മദ്യലഹരിയില്‍ വാക്കു തര്‍ക്കം; റോഡരികില്‍ സംസാരിച്ചു കൊണ്ടിരിക്കെ വയറിനു കുത്തേറ്റ യുവാവ് ഗുരുതരാവസ്ഥയില്‍ മംഗളൂരുവിലെ ആശുപത്രിയില്‍, പ്രതി അറസ്റ്റില്‍

കണ്ണൂര്‍: (www.kasargodvartha.com 24.09.2018) മദ്യലഹരിയില്‍ വാക്കു തര്‍ക്കമുണ്ടാവുകയും ഇതേ തുടര്‍ന്ന് റോഡരികില്‍ സംസാരിച്ചു കൊണ്ടിരിക്കെ വയറിനു കുത്തേല്‍ക്കുകയും ചെയ്ത യുവാവിനെ ഗുരുതരാവസ്ഥയില്‍ മംഗളൂരുവിലെ ആശുപത്രിയില്‍ പ്രവേശിപ്പിച്ചു. പിലാത്തറ കക്കോണി വി വി പ്രേമനാണ് (45) കുത്തേറ്റത്.

ഞായറാഴ്ച ഉച്ചയോടെ ദേശീയപാത പിലാത്തറ പീരിക്കാംതടത്തില്‍ വെച്ചാണ് സംഭവം. ഏഴിലോട് അറത്തിപ്പറമ്പില്‍ പടിഞ്ഞാറെ വീട്ടില്‍ രാജേഷ് (34) പ്രേമനെ കുത്തിപ്പരിക്കേല്‍പിക്കുകയായിരുന്നു. രാജേഷിനെ പിന്നീട് പോലീസ് അറസ്റ്റു ചെയ്തു. മദ്യ ലഹരിയില്‍ വാക്ക് തര്‍ക്കമുണ്ടാവുകയും തുടര്‍ന്ന് രാജേഷ് കത്തിയെടുത്തു പ്രേമനെ കുത്തുകയായിരുന്നുവെന്നുമാണ് പോലീസ് പറയുന്നത്.