Youth held | കാറിൽ ചാരി നിന്നതിന് ആറു വയസുകാരനെ ചവിട്ടിത്തെറിപ്പിച്ചെന്ന കേസ്; വധശ്രമം ചുമത്തി പൊലീസ്; യുവാവ് അറസ്റ്റിൽ

തലശേരി: (www.kasargodvartha.com) കാറിൽ ചാരി നിന്നതിന് ആറു വയസുകാരനെ ചവിട്ടിത്തെറിപ്പിച്ചെന്ന സംഭവത്തിൽ വധശ്രമത്തിന് കേസെടുത്ത് പൊലീസ്. സംഭവത്തില്‍ പൊന്ന്യം പാലം സ്വദേശി ശഹ്സാദിനെ (20) പൊലീസ് അറസ്റ്റ് ചെയ്തിട്ടുണ്ട്. തലശേരി എഎസ്‍പി നിഥിൻ രാജിൻ‌റെ നേതൃത്യത്തിൽ ചോദ്യം ചെയ്ത ശേഷമാണ് യുവാവിന്റെ അറസ്റ്റ് രേഖപ്പെടുത്തിയത്.
  
ദൃശ്യങ്ങൾ പുറത്തു വന്നശേഷവും പൊലീസ് കേസെടുക്കാനോ പ്രതിയെ പിടികൂടാനോ തയാറാകാത്തതിന് വിമര്‍‌ശനം ഉയർന്നിരുന്നു. രാജസ്താന്‍ സ്വദേശിയായ ഗണേഷ് എന്ന കുട്ടിയെയാണ് ശഹ്സാദ് ചവിട്ടിത്തെറിപ്പിച്ചതെന്നാണ് കേസ്. കുട്ടിയുടെ നടുവിന് സാരമായി പരിക്കേറ്റിട്ടുണ്ട്. ചവിട്ടേറ്റ കുട്ടി ആകെ പകച്ച് നില്‍ക്കുന്നതും ദൃശ്യങ്ങളില്‍ വ്യക്തമാണ്.