Train Journey | മെയ്‌ 22 മുതൽ ഒമ്പത് ദിവസം പരശുറാം എക്‌സ്പ്രസ് ഓടില്ല; യാത്രാ പ്രശ്‌നത്തിന് പകരം സംവിധാനം വേണമെന്ന് ആവശ്യം; കോഴിക്കോട് - കണ്ണൂർ ട്രെയിൻ വൈകീട്ട് പുറപ്പെടണമെന്നും അഭിപ്രായം
May 18, 2022, 20:44 IST
കാസർകോട്: (www.kasargodvartha.com) എറണാകുളത്തിനും ചങ്ങനാശ്ശേരിക്കും ഇടയിലുള്ള ഏറ്റുമാനൂർ - ചിങ്ങവനം പാത ഇരട്ടിപ്പിക്കൽ കാരണം മെയ്‌ 22 മുതൽ ഒമ്പത് ദിവസം പരശുറാം എക്‌സ്പ്രസ് പൂർണമായി റദ്ദ് ചെയ്യുന്നതോടെ യാത്രക്കാർ പ്രതിസന്ധിയിലാവും. കോഴിക്കോട്ട് നിന്നടക്കം ധാരാളം നിത്യ യാത്രക്കാർ വൈകീട്ട് വടക്കോട്ടേക്ക് സഞ്ചരിക്കുന്ന ഈ ട്രെയിൻ റദ്ദുചെയ്യുമ്പോൾ പകരം സംവിധാനം വേണമെന്ന ആവശ്യം ശക്തമാവുകയാണ്. വിദ്യാർഥികൾ, ജീവനക്കാർ, ചികിത്സയ്ക്കായി പോകുന്നവർ തുടങ്ങിയവർക്ക് ആശ്രയമാണ് ഈ ട്രെയിൻ.
യാത്രാ പ്രശ്‌നത്തിന് പരിഹാരമായി ഉച്ചക്ക് ശേഷം 2.05ന് പുറപ്പെടുന്ന കോഴിക്കോട് - കണ്ണൂർ ട്രെയിൻ വൈകുന്നേരം അഞ്ച് മണിക്ക് യാത്ര തിരിക്കുന്ന തരത്തിൽ താത്കാലികമായി ക്രമീകരിച്ചാൽ ഉപകാരപ്പെടുമെന്ന് യാത്രക്കാർ പറയുന്നു. ഉച്ചക്ക് 2.05ന് അര മണിക്കൂർ വീതം മുമ്പിലും പിറകിലും പകൽ വണ്ടികൾ ഉള്ളത് കൊണ്ട് ഈ സമയ മാറ്റം യാത്രക്കാർക്ക് ബുദ്ധിമുട്ടാകില്ല. എന്നാൽ ഉച്ച തിരിഞ്ഞു 2.45 ന് ശേഷം വടക്കോട്ട് മംഗ്ളൂറിലേക്കുള്ള ഒരേ ഒരു പകൽ വണ്ടിയാണ് കോഴിക്കോട്ട് വൈകീട്ടുള്ള എത്തുന്ന പരശുരാം എക്‌സ്പ്രസ്.
ഈ ട്രെയിൻ നാല് മണിക്ക് മുമ്പ് കോഴിക്കോടെത്തി ഒരു മണിക്കൂർ നേരം അവിടെ പിടിച്ചിട്ട ശേഷമാണ് മംഗ്ളൂറിലേക്ക് യാത്ര തുടരുന്നത്. നാഗർകോവിൽ മുതലുള്ള ദീർഘദൂര യാത്രക്കാർക്ക് ഈ പിടിച്ചിടൽ വളരെ പ്രയാസം സൃഷ്ടിക്കുന്നു. ആയതിനാൽ പരശുരാം എക്‌സ്പ്രസ് കോഴിക്കോട് പിടിച്ചിടാതെ വൈകുന്നേരം നാല് മണിക്ക് പുറപ്പെടുകയും പകരം ഇപ്പോൾ ഉച്ച തിരിഞ്ഞു 2.05 ന് പുറപ്പെടുന്ന കോഴിക്കോട് - കണ്ണൂർ വണ്ടി സ്ഥിരമായി വൈകീട്ട് അഞ്ച് മണിക്ക് വിടുന്ന രീതി സ്ഥിരമാക്കുകയും ചെയ്യാമെന്ന് കുമ്പള റെയിൽ പാസൻജേഴ്സ് അസോസിയേഷൻ പ്രസിഡന്റ്‌ നിസാർ പെറുവാഡ് അഭിപ്രായപ്പെട്ടു.
കോഴിക്കോട് - കണ്ണൂർ ട്രെയിൻ കണ്ണൂരിൽ അവസാനിപ്പിക്കുന്നതിന് പകരം ഇതേ വണ്ടിക്ക് എഗ്മോർ എക്‌സ്പ്രസിന്റെ സ്റ്റോപോടെ മംഗ്ളൂറിലേക്ക് നീട്ടി പിറ്റേ ദിവസം ഉച്ചക്ക് 12.15ന് മംഗ്ളൂറിൽ നിന്ന് കണ്ണൂരിലേക്ക് ഒരു അധിക സർവീസ് കൂടി നടത്താനാവുന്നതാണ്. ഇപ്പോഴുള്ള റെയ്ക് ഉപയോഗിച്ച് തന്നെ ഈ സർവീസ് നടത്താനാവും. ഇത് യാത്രാപ്രതിസന്ധി നേരിടുന്ന ഉത്തരമലബാറുകാർക്ക് സഹായകരമാവും. ഇക്കാര്യങ്ങൾ ചൂണ്ടിക്കാട്ടി നിസാർ പെറുവാഡ് നൽകിയ നിവേദനം രാജ്‌മോഹൻ ഉണ്ണിത്താൻ എംപി റെയിൽവേ ജെനറൽ മാനജർ, ഡിവിഷനൽ റെയിൽവേ മാനജർ എന്നിവർക്ക് നൽകി.
യാത്രാ പ്രശ്‌നത്തിന് പരിഹാരമായി ഉച്ചക്ക് ശേഷം 2.05ന് പുറപ്പെടുന്ന കോഴിക്കോട് - കണ്ണൂർ ട്രെയിൻ വൈകുന്നേരം അഞ്ച് മണിക്ക് യാത്ര തിരിക്കുന്ന തരത്തിൽ താത്കാലികമായി ക്രമീകരിച്ചാൽ ഉപകാരപ്പെടുമെന്ന് യാത്രക്കാർ പറയുന്നു. ഉച്ചക്ക് 2.05ന് അര മണിക്കൂർ വീതം മുമ്പിലും പിറകിലും പകൽ വണ്ടികൾ ഉള്ളത് കൊണ്ട് ഈ സമയ മാറ്റം യാത്രക്കാർക്ക് ബുദ്ധിമുട്ടാകില്ല. എന്നാൽ ഉച്ച തിരിഞ്ഞു 2.45 ന് ശേഷം വടക്കോട്ട് മംഗ്ളൂറിലേക്കുള്ള ഒരേ ഒരു പകൽ വണ്ടിയാണ് കോഴിക്കോട്ട് വൈകീട്ടുള്ള എത്തുന്ന പരശുരാം എക്‌സ്പ്രസ്.
ഈ ട്രെയിൻ നാല് മണിക്ക് മുമ്പ് കോഴിക്കോടെത്തി ഒരു മണിക്കൂർ നേരം അവിടെ പിടിച്ചിട്ട ശേഷമാണ് മംഗ്ളൂറിലേക്ക് യാത്ര തുടരുന്നത്. നാഗർകോവിൽ മുതലുള്ള ദീർഘദൂര യാത്രക്കാർക്ക് ഈ പിടിച്ചിടൽ വളരെ പ്രയാസം സൃഷ്ടിക്കുന്നു. ആയതിനാൽ പരശുരാം എക്‌സ്പ്രസ് കോഴിക്കോട് പിടിച്ചിടാതെ വൈകുന്നേരം നാല് മണിക്ക് പുറപ്പെടുകയും പകരം ഇപ്പോൾ ഉച്ച തിരിഞ്ഞു 2.05 ന് പുറപ്പെടുന്ന കോഴിക്കോട് - കണ്ണൂർ വണ്ടി സ്ഥിരമായി വൈകീട്ട് അഞ്ച് മണിക്ക് വിടുന്ന രീതി സ്ഥിരമാക്കുകയും ചെയ്യാമെന്ന് കുമ്പള റെയിൽ പാസൻജേഴ്സ് അസോസിയേഷൻ പ്രസിഡന്റ്‌ നിസാർ പെറുവാഡ് അഭിപ്രായപ്പെട്ടു.
കോഴിക്കോട് - കണ്ണൂർ ട്രെയിൻ കണ്ണൂരിൽ അവസാനിപ്പിക്കുന്നതിന് പകരം ഇതേ വണ്ടിക്ക് എഗ്മോർ എക്‌സ്പ്രസിന്റെ സ്റ്റോപോടെ മംഗ്ളൂറിലേക്ക് നീട്ടി പിറ്റേ ദിവസം ഉച്ചക്ക് 12.15ന് മംഗ്ളൂറിൽ നിന്ന് കണ്ണൂരിലേക്ക് ഒരു അധിക സർവീസ് കൂടി നടത്താനാവുന്നതാണ്. ഇപ്പോഴുള്ള റെയ്ക് ഉപയോഗിച്ച് തന്നെ ഈ സർവീസ് നടത്താനാവും. ഇത് യാത്രാപ്രതിസന്ധി നേരിടുന്ന ഉത്തരമലബാറുകാർക്ക് സഹായകരമാവും. ഇക്കാര്യങ്ങൾ ചൂണ്ടിക്കാട്ടി നിസാർ പെറുവാഡ് നൽകിയ നിവേദനം രാജ്‌മോഹൻ ഉണ്ണിത്താൻ എംപി റെയിൽവേ ജെനറൽ മാനജർ, ഡിവിഷനൽ റെയിൽവേ മാനജർ എന്നിവർക്ക് നൽകി.
Keywords: News, Kerala, Kasaragod, Top-Headlines, Train, Railway, Passenger, Kozhikode, Kannur, Travel, Parasuram Express, Parasuram Express will not run for nine days from May 22.
< !- START disable copy paste --> Tags
Share this story
