ടിപ്പര്‍ ലോറി ബൈക്കിലിടിച്ച് രണ്ട് യുവാക്കള്‍ മരിച്ചു; ഉറ്റ സുഹൃത്തുക്കളുടെ ദാരുണമരണം നാടിനെ ഞെട്ടിച്ചു

By Web Desk - MainMay 30, 2018, 12:06 IST

ചെറുപുഴ: (www.kasargodvartha.com 30.05.2018) ടിപ്പര്‍ ലോറി ബൈക്കിലിടിച്ച് രണ്ട് യുവാക്കള്‍ മരിച്ചു. ഉറ്റ സുഹൃത്തുക്കളുടെ ദാരുണമരണം നാടിനെ ഞെട്ടിച്ചു. കരിയക്കരയിലെ അഴകത്ത് ചാക്കോ- മേഴ്‌സി ദമ്പതികളുടെ മകന്‍ ടോണി (18), കാക്കയംചാലിലെ കേഴപ്ലാക്കല്‍ സജിയുടെയും പരേതയായ ലൂസിയുടെയും മകന്‍ അഭിഷേക് (18) എന്നിവരാണ് മരിച്ചത്.

ചൊവ്വാഴ്ച വൈകിട്ട് നാലു മണിയോടെ മച്ചിയിലാണ് അപകടമുണ്ടായത്. പാടിയോട്ടുചാലില്‍ നിന്നു ചെറുപുഴയിലേക്കു വരികയായിരുന്നു ടോണിയും അഭിഷേകും. ഈ സമയം ചെറുപുഴയില്‍ നിന്നു പാടിയോട്ടുചാല്‍ ഭാഗത്തേക്കു പോവുകയായിരുന്ന ടിപ്പര്‍ ഇടിക്കുകയായിരുന്നു. ഇടിയുടെ ആഘാതത്തില്‍ തെറിച്ചുവീണ ഇരുവരെയും ഉടന്‍ ചെറുപുഴ സെന്റ് സെബാസ്റ്റ്യന്‍സ് ആശുപത്രിയില്‍ എത്തിച്ചെങ്കിലും ടോണി മരിച്ചു. ഗുരുതരമായി പരുക്കേറ്റ അഭിഷേകിനെ മംഗളൂരുവിലെ ആശുപത്രിയിലേക്കു കൊണ്ടുപോകും വഴിയാണു മരണപ്പെട്ടത്.