15 കാരിയെ പീഡിപ്പിച്ച കേസില്‍ തമിഴ്‌നാട്ടില്‍ തെളിവെടുപ്പ്; രണ്ട് പ്രതികള്‍ കുടുങ്ങി

Vinayakam

Aneesh Kumar

കാഞ്ഞങ്ങാട്: സ്‌കൂള്‍ വിദ്യാര്‍ത്ഥിനിയായ 15 കാരിയെ തട്ടിക്കൊണ്ടുപോയി പീഡിപ്പിച്ച കേസില്‍ മുഖ്യപ്രതിയായ കര്‍ണാടക കുടക് സ്വദേശി നൗഷാദിനെയും കൊണ്ട് തെളിവെടുപ്പിനായി തമിഴ്‌നാട്ടിലേക്ക് പോയ ഹൊസ്ദുര്‍ഗ് പോലീസിന്റെ വലയില്‍ കുടുങ്ങിയത് മറ്റ് രണ്ട് പീഡനക്കേസുകളിലെ പ്രതികള്‍.

തമിഴ്‌നാട്ടിലേക്കുള്ള യാത്രാമദ്ധ്യേ അന്വേഷണ ഉദ്യോഗസ്ഥനായ സി. ഐ. കെ. വി. വേണുഗോപാല്‍ ആദ്യം പിടികൂടിയത് എറണാകുളം മുളന്തുരുത്തി സ്വദേശിയായ അനീഷ് കുമാറിനെയാണ്. ഒരു വര്‍ഷം മുമ്പ് കാഞ്ഞങ്ങാട്ട് നിന്നും ബദിയഡുക്ക സ്വദേശിനിയായ 17 കാരിയെ തട്ടിക്കൊണ്ടു പോയി ലൈംഗികമായി പീഡിപ്പിച്ച കേസില്‍ പ്രതിയായ അനീഷ് കുമാറിനെ എറണാകുളത്ത് വെച്ച് പോലീസ് പിടികൂടുകയായിരുന്നു.

Noushad

തമിഴ്‌നാട്ടിലെ കോയമ്പത്തൂരിലേക്കാണ് നൗഷാദിനെ സി. ഐ. യുടെ നേതൃത്വത്തിലുള്ള പോലീസ് സംഘം കൊണ്ടുപോയത്. നൗഷാദിന്റെ സുഹൃത്തിന്റെ കോയമ്പത്തൂരിലുള്ള വാടക വീട്ടില്‍ വെച്ചാണ് കാഞ്ഞങ്ങാട്ടെ സ്‌കൂള്‍ വിദ്യാര്‍ത്ഥിനിയായ 15 കാരിയെ ലൈംഗികമായി പീഡിപ്പിച്ചത്.