Tribute Event | ഭാവ ഗായകന് ഓർമ പൂക്കളുമായി കൊല്ലൂരിൽ കാഞ്ഞങ്ങാട് രാമചന്ദ്രൻ്റെ നേതൃത്വത്തിൽ സംഗീതാർച്ചന
● 25 വർഷമായി നടത്തുന്ന കൊല്ലൂർ സംഗീതോത്സവത്തിന്റെ ഭാഗമായി പ്രാർത്ഥനയും ഗാനം നടത്തി.
● സംഘാടക സമിതി ചെയർമാൻ സന്തോഷ് ചൈതന്യ കമ്പല്ലൂർ, ജബ്ബാർ കാഞ്ഞങ്ങാട് എന്നിവരാണ് സംഗീതോത്സവത്തിന് നേതൃത്വം നൽകുന്നത്.
കൊല്ലൂർ: (KasargodVartha) അന്തരിച്ച ഭാവഗായകൻ പി. ജയചന്ദ്രനെ ഓർമ്മിക്കുന്നതിനായി കൊല്ലൂർ ശ്രീ മൂകാംബിക ക്ഷേത്രത്തിൽ സംഗീതജ്ഞർ പ്രത്യേക പ്രാർത്ഥന നടത്തി. ഗാനഗന്ധർവൻ യേശുദാസിന്റെ ജന്മദിനത്തോടനുബന്ധിച്ച് കാഞ്ഞങ്ങാട് രാമചന്ദ്രൻ നേതൃത്വം നൽകി വരുന്ന വാർഷിക സംഗീതോത്സവത്തിന്റെ ഭാഗമായാണ് ഈ പ്രത്യേക അഞ്ജലി.
25 വർഷമായി നടന്നു വരുന്ന കൊല്ലൂർ സംഗീതോത്സവം വെള്ളിയാഴ്ച രാവിലെ ആറിന് മൂകാംബിക ക്ഷേത്രം വടക്കേ നടയിൽ ആരംഭിച്ച സംഗീതോത്സവത്തിൽ, വ്യാഴാഴ്ച രാത്രി അന്തരിച്ച പി. ജയചന്ദ്രന്റെ ആത്മാശാന്തിക്കായി പ്രത്യേക പ്രാർത്ഥന നടത്തി. കാഞ്ഞങ്ങാട് രാമചന്ദ്രൻ ‘വാതാപി ഗണപതി’ എന്ന ഭക്തിഗാനവും, ആറ്റുവശ്ശേരി മോഹനൻ പിള്ള കന്നഡ രാഗത്തിൽ പരമുഖ സരസ്വതി കീർത്തനവും ആലപിച്ച് സംഗീതോത്സവത്തിന് തുടക്കം കുറിച്ചു.
ആനയടി പ്രസാദ്, ദേവി കൃഷ്ണൻ തൃപ്പൂണിത്തുറ, ജ്യോതി ലക്ഷ്മി ഉദയകുമാർ കൊല്ലം, ഗൗരി നാരായണൻ തൃശ്ശൂർ, ആർദ്ര പ്രസാദ് ചേർത്തല പുഷ്പ പ്രഭാകർ കാഞ്ഞങ്ങാട്, പ്രിയദർശൻ കോഴിക്കോട്, ഭാസ്കരൻ മാസ്റ്റർ കരിവെള്ളൂർ തുടങ്ങി നിരവധി സംഗീതജ്ഞർ പരിപാടിയിൽ പങ്കെടുത്തു. സംഘാടക സമിതി ചെയർമാൻ സന്തോഷ് ചൈതന്യ കമ്പല്ലൂർ, ജബ്ബാർ കാഞ്ഞങ്ങാട് എന്നിവരാണ് സംഗീതോത്സവത്തിന് നേതൃത്വം നൽകുന്നത്.
#PJayachandranTribute, #MusicFestival, #KollurNews, #SaraswatiKeerthana, #KanjangadRamachandran, #KeralaCulture
