കാസര്‍കോട്ട് എസ്.വൈ.എസ് റമസാന്‍ പ്രഭാഷണ പരമ്പര ശനിയാഴ്ച തുടങ്ങും
Aug 2, 2012, 12:04 IST
ഖുര്‍ആന്‍ പണ്ഡിതന്‍ കൂറ്റമ്പാറ അബ്ദുര്‍ റഹ്മാന്‍ ദാരിമിയാണ് വിശുദ്ധ ഖുര്‍ആനിലെ അവസാന അധ്യായം അന്നാസ് ആസ്പദമാക്കി വിവിധ വിഷയങ്ങളില്‍ നാല് ദിവസം പ്രഭാഷണം നടത്തുന്നത്.
എല്ലാ ദിവസവും ആത്മീയ നായകരുടെ ദുആ സദസ്സോടെയാണ് പരിപാടി സമാപിക്കുന്നത്. പ്രമുഖ വ്യക്തിത്വങ്ങള്‍ ഓരോ ദിവസവും അതിഥിയായെത്തും. വിവിധ പ്രസിദ്ധീകരണങ്ങളുടെ പ്രകാശനം നടക്കും. പരിപാടികള്‍ ആഗോള തലത്തില്‍ തല്‍സമയം കാണുന്നതിന് സംവിധാനമുണ്ട്.
വെള്ളിയാഴ്ച വൈകിട്ട് നാലിന് തളങ്കര മാലിക് ദീനാര്‍ മഖാമില്‍ നടക്കുന്ന സിയാറത്തിന് സയ്യിദ് മുഹമ്മദ് ഇബ്രാഹീം പൂക്കുഞ്ഞി തങ്ങള്‍ നേതൃത്വം നല്‍കും. തുടര്‍ന്ന് നഗരിയില്‍ സ്വാഗത സംഘം ചെയര്‍മാന്‍ മുക്രി ഇബ്രാഹീം ഹാജി പതാക ഉയര്‍ത്തും.
ശനിയാഴ്ച രാവിലെ ഒമ്പത് മണിക്ക് ബായാര്‍ മുജമ്മഅ് ചെയര്‍മാന്‍ സയ്യിദ് അബ്ദു റഹ്മാന്‍ ഇമ്പിച്ചിക്കോയ തങ്ങള്‍ തുര്‍ക്കളിഗെ ഉദ്ഘാടനം ചെയ്യും. സയ്യിദ് മുഹമ്മദ് ഇബ്രഹീം അല്‍ ഐദറൂസി പ്രാര്‍ത്ഥന നടത്തും.
എസ്.വൈ.എസ് ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി അധ്യക്ഷത വഹിക്കും. സഅദിയ്യ സെക്രട്ടറി എ.പി അബ്ദുല്ല മുസ്ലിയാര് മാണിക്കോത്ത്, മുഹിമ്മാത്ത് സെക്രട്ടറി ബി.എസ് അബ്ദുല്ലക്കുഞ്ഞി ഫൈസി, ബെള്ളിപ്പാടി അബ്ദുല്ല മുസ്ലിയാര്, മള്ഹര്‍ സെക്രട്ടറി സയ്യിദ് ജലാലുദ്ദീന്‍ തങ്ങള്‍, എസ്.ജെ.എം ജില്ലാ പ്രസിഡന്റ് കൊല്ലമ്പാടി അബ്ദുല്‍ ഖാദിര്‍ സഅദി, എസ്.എം.എ ജില്ലാ സെക്രട്ടറി അബ്ദുല്‍ ഹമീദ് മൗലവി ആലമ്പാടി, എസ്.വൈ.എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍, എസ്.എസ്.എഫ് ജില്ലാ സെക്രട്ടറി അബ്ദുര്‍ റസാഖ് സഖാഫി കോട്ടക്കുന്ന് തുടങ്ങിയവര്‍ പ്രസംഗിക്കും.
വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് ശരീഫ് കുറ്റിക്കോല്‍ പ്രകാശനം നിര്‍വഹിക്കും. എന്‍.എ അബൂബക്കര്‍ ഹാജി, പി ബി അഹ്മദ് ഹാജി, പി.എ അശ്‌റഫലി, അസീസ് കടപ്പുറം, സുബൈര്‍ പടുപ്പ് തുടങ്ങിയവര്‍ ആശംസ നേരും.
അഞ്ചിന് സയ്യിദ് ഹസന്‍ അഹ്ദല്‍ തങ്ങളും ആറിന് സയ്യിദ് ശിഹാബുദ്ദീന്‍ തങ്ങളും പ്രാര്‍ത്ഥനക്ക് നേതൃത്വം നല്‍കും.
ഏഴിന് നടക്കുന്ന സമാപന പരിപാടിയില്‍ സുന്നി വിദ്യാഭ്യാസ ബോര്‍ഡ് ഉപാധ്യക്ഷന്‍ സയ്യിദ് കെ.സ് ആറ്റക്കോയ തങ്ങള്‍ കുമ്പോല്‍, എസ്.വൈ.എസ് സംസ്ഥാന ഉപാധ്യക്ഷന്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി, സമസ്ത കേന്ദ്ര മുശാവറാംഗം എം.അലിക്കുഞ്ഞി മുസ്ലിയാര് തുടങ്ങിയവര്‍ സംബന്ധിക്കും. സ്വാഗത സംഘത്തിനു കീഴില്‍ വിപുലമായ പ്രചരണ പരിപാടികള്‍ നടത്തി.
എസ്.വൈ.എസ് റമസാന്‍ ക്യാമ്പയിന്‍ ഭാഗമായി യൂണിറ്റുതലങ്ങളില്‍ ക്ലാസ്സ് റൂം, മോറല്‍ സ്‌കൂള്‍, കുടുംബ സഭ, ഇഅ്തികാഫ് ജല്‍സ, ബദ്‌റ് സ്മരണ, സമൂഹ നോമ്പ് തുറ തുടങ്ങിയ പരിപാടികളും പഞ്ചായത്ത് തലത്തില്‍ ഇഫ്ത്താര്‍ മീറ്റും മേഖലയില്‍ തര്‍ബിയയും ജില്ലാ തലത്തില്‍ റമസാന്‍ പ്രഭാഷണവും ഇഫ്താര്‍ ക്യാമ്പും ചാനല്‍ പ്രഭാഷണങ്ങളും സംഘടിപ്പിക്കുന്നു.
Keywords: Kasaragod, Kanhangad, SYS, Ramzan.
Tags
Share this story
