ഡിഎം കോണ്‍വന്റ് മുന്‍ സുപ്പീരിയര്‍ സിസ്റ്റര്‍ അര്‍ച്ചന നിര്യാതയായി

കാഞ്ഞങ്ങാട്: (www.kasargodvartha.com 14.06.2014) പടന്നക്കാട് ഡിഎം കോണ്‍വന്റിലെ മുന്‍ സുപ്പീരിയറും സ്റ്റെല്ലാ മേരീസ് ഇംഗ്ലീഷ് മീഡിയം സ്‌കൂള്‍ പ്രഥമ പ്രിന്‍സിപ്പലുമായ സിസ്റ്റര്‍ അര്‍ച്ചന (60) സുല്‍ത്താന്‍ബത്തേരിയില്‍ നിര്യാതയായി. സംസ്‌ക്കാരം ഞായറാഴ്ച ഉച്ചയ്ക്കു രണ്ടിനു സുല്‍ത്താന്‍ ബത്തേരി കോണ്‍വന്റ് സെമിത്തേരിയില്‍. പയ്യന്നൂര്‍, ബഡൂര്‍ എന്നീ കോണ്‍വന്റുകളിലും സൗത്ത് കാനറ, തിരുവനന്തപുരം ജില്ലകളിലെ വിവിധ കോണ്‍വന്റുകളിലും സേവനമനുഷ്ഠിച്ചിട്ടുണ്ട്.

കോട്ടയം മരങ്ങാട്ടുപള്ളി പാലക്കാട്ട്മല മാധവത്ത് വീട്ടില്‍ വര്‍ക്കി-ഏലിയാമ്മ ദമ്പതികളുടെ മകളാണ്. മേരി മാത്യു മാമ്പുഴ (ബന്തടുക്ക-ശങ്കരമ്പാടി), അന്നക്കുട്ടി പയ്യാനിമണ്ഡപം (കൊഴുവനാല്‍), പരേതയായ മേരിജോയ് കുട്ടോംപറമ്പില്‍ (കുറുപ്പന്തറ), റോസമ്മ ഔസേപ്പച്ചന്‍ ചെരിപുറത്ത് (ചെങ്ങളം), ഫിലോമിന ബേബി പുതുപ്പറമ്പില്‍ (മരങ്ങാട്ടുപള്ളി), ജോയ് മാധവത്ത് (മരങ്ങാട്ടുപള്ളി) എന്നിവര്‍ സഹോദരങ്ങളാണ്.