'തസല്ലുഹ് ' എസ്.ഐ.ഒ ക്യാമ്പ് സമാപിച്ചു

പടന്ന: എസ്.ഐ.ഒ സംസ്ഥാന കമ്മിറ്റി തെരഞ്ഞെടുക്കപ്പെട്ട ഹയര്‍ സെക്കൻഡറി വിദ്യാര്‍ഥികള്‍ക്കായി കാസര്‍കോട് പടന്നയില്‍ സംഘടിപ്പിച്ച രണ്ട് ദിവസത്തെ ക്യാമ്പ് സമാപിച്ചു. സമൂഹത്തിന്റെ പുനര്‍നിര്‍മാണത്തിന് ക്രിയാത്മകമായ പങ്ക് വഹിക്കാന്‍ കരുത്തുള്ള തലമുറയായി വിദ്യാര്‍ഥികള്‍ വളര്‍ന്നു വരണമെന്ന് ക്യാമ്പ് ഉദ്ഘാടനം ചെയ്ത് കൊണ്ട് എസ്.ഐ.ഒ സംസ്ഥാന പ്രസിഡണ്ട് എസ്. ഇര്‍ശാദ് പറഞ്ഞു.

തുടര്‍ന്ന് നടന്ന കാമ്പസ് ആക്റ്റിവിസം പാനല്‍ ചര്‍ച്ചക്ക് കെ.എസ് നിസാര്‍, അമീന്‍ മോങ്ങം, സാലിഹ് കോട്ടപ്പള്ളി തുടങ്ങിയവര്‍ നേതൃത്വം നല്‍കി. കാമ്പസ് രാഷ്ട്രീയത്തെക്കുറിച്ചും വിദ്യാര്‍ഥി ഇടപെടലിനെ കുറിച്ചുമുള്ള വ്യത്യസ്ഥമായ അനുഭവങ്ങള്‍ പകര്‍ന്നു നല്‍കിയ സെഷന്‍ ശ്രദ്ധേയമായിരുന്നു. മുസ്ലിം ലോകത്തെ രാഷ്ട്രീയ വിഷയങ്ങളെ വിശകലനം ചെയ്തു കൊണ്ട് പി.പി ജുമൈല്‍ സ്റ്റഡി ക്ലാസ് നടത്തി .
ഇസ്ലാമിക ഫിഖ്‌ഹ്, ഇസ്ലാമിക പ്രസ്ഥാനങ്ങള്‍ എന്നീ വിഷയങ്ങളില്‍ യഥാക്രമം നഹാസ് മാള, ശിഹാബ് പൂക്കോട്ടൂര്‍ എന്നിവര്‍ ക്ലാസെടുത്തു. നേതൃത്വ പരിശീലന ക്ലാസിനു തൗഫീഖ് മമ്പാടും, നാസര്‍ ചെരുകരയും നേതൃത്വം നല്‍കി. എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി സഫീര്‍ഷ സമാപന ഭാഷണം നിര്‍വഹിച്ചു. ക്യാമ്പ് കോര്‍ഡിനേറ്റര്‍ ഒ.കെ ഫാരിസ് സ്വാഗതവും എസ്.ഐ.ഒ ജില്ലാ പ്രസിഡണ്ട്  വി.പി ഷക്കീര്‍ നന്ദിയും  പറഞ്ഞു.

Keywords : SIO, camp, Padanna, Kanhangad, Kerala, Kasaragod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: