ഫയര്‍ സ്റ്റേഷന് അനുവദിച്ച സ്ഥലത്തു നിന്നും വാഹനാവശിഷ്ടങ്ങള്‍ കടത്തുന്നു

File photo: Kasargodvartha

കാഞ്ഞങ്ങാട്: കാഞ്ഞങ്ങാട് ഫയര്‍ സ്റ്റേഷന് അനുവദിച്ച സ്ഥലത്തുനിന്നും വാഹനങ്ങളുടെ അവശിഷ്ടങ്ങള്‍ മോഷ്ടിച്ച് കടത്തുന്നു. പുതിയ കോട്ടയില്‍ ഹൊസ്ദുര്‍ഗ് പോലീസ് സ്റ്റേഷന് സമീപത്തായാണ് ഫയര്‍‌സ്റ്റേഷന് പുതിയ കെട്ടിടം നിര്‍മിക്കാന്‍ സ്ഥലം അനുവദിച്ചിരിക്കുന്നത്.

ഈ ഭാഗത്ത് കൂട്ടിയിട്ട നിലയിലുള്ള വാഹനങ്ങളുടെ അവശിഷ്ടങ്ങള്‍ ഓരോ ദിവസങ്ങളായി മോഷ്ടിച്ചു കടത്തുന്നത് പതിവായിരിക്കുകയാണ്. യന്ത്രഭാഗങ്ങള്‍ മോഷ്ടിക്കുന്നവര്‍ ഇത് ആക്രികടകളിലാണ് എത്തിക്കുന്നത്. തുരുമ്പിച്ച യന്ത്രഭാഗങ്ങള്‍ കാല്‍നടയാത്രക്കാര്‍ക്ക് പരിക്കേല്‍ക്കാന്‍ കാരണമാകുന്നുണ്ട്.