രജിലേഷിന്റെ മരണം: മുഖ്യപ്രതി നിസാറിന്റെ റിമാന്റ് മെയ് 18 വരെ നീട്ടി

Rajilesh

 കാഞ്ഞങ്ങാട്: സദാചാര പോലീസിന്റെ പീഡനത്തെതുടര്‍ന്ന് തൃക്കരിപ്പൂര്‍ മെട്ടമ്മലിലെ രജിലേഷ് ആത്മഹത്യ ചെയ്ത കേസിലെ മുഖ്യപ്രതി മെട്ടമ്മലിലെ എം ടി പി മുഹമ്മദ് നിസാറിന്റെ റിമാന്റ് മെയ് 18 വരെ വീണ്ടും നീട്ടി. നിസാറിന്റെ ജാമ്യാപേക്ഷ തള്ളിയ ഹൊസ്ദുര്‍ഗ് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട് (1) കോടതി വെള്ളിയാഴ്ച റിമാന്റ് നീട്ടിയത്.

ഈ കേസില്‍ കെ സുല്‍ഫിക്കര്‍, സഫീര്‍, എം ടി പി സമീര്‍ കാസിം, സി അബ്ദുല്‍ ബാസിത്്, കെ പി അഷ്‌റഫ്, എം ടി പി സാജിദ് എന്നിവരെയാണ് മുഹമ്മദ് നിസാറിനെ കൂടാതെ നീലേശ്വരം സി ഐ സി കെ സുനില്‍കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. നിസാറിനെയും സുല്‍ഫിക്കറിനെയും സഫീറിനെയുമാണ് ആദ്യം അറസ്റ്റിലായത്. ഇനി എട്ടോളം പ്രതികളെ കണ്ടെത്താന്നുണ്ട്.