പുല്ലൂർ കൊടവലത്ത് പുലി കുളത്തിൽ വീണു; രക്ഷാപ്രവർത്തനം ദുഷ്‌കരം

കാഞ്ഞങ്ങാട്: (KasargodVartha) പുല്ലൂർ -പെരിയ പഞ്ചായത്തിലെ കൊടവലത്ത് പുലി കുളത്തിൽ വീണതിനെ തുടർന്ന് പരിസരത്ത് പരിഭ്രാന്തി പരന്നു. കൊടവലം ദേവി ക്ലബ്ബിന് സമീപത്തെ ദേർലംകൈ മധുവിൻ്റെ പറമ്പിലെ കുളത്തിലാണ് പുലി അകപ്പെട്ടത്. ഞായറാഴ്ച (2025 നവംബർ 23) വൈകിട്ട് നാല് മണിയോടെയാണ് പുലി കുളത്തിൽ അകപ്പെട്ട കാര്യം പരിസരവാസികൾ അറിയുന്നത്.

വിവരം ലഭിച്ച ഉടൻ തന്നെ വനംവകുപ്പ് ഉദ്യോഗസ്ഥരും അമ്പലത്തറ പൊലീസും സ്ഥലത്തെത്തി. കുളത്തിൽ വീണ പുലിയെ കൂട്ടിലാക്കി പുറത്തെത്തിക്കാനുള്ള ശ്രമം അധികൃതർ ആരംഭിച്ചിട്ടുണ്ട്. എന്നാൽ, രാത്രിയായതിനാൽ രക്ഷാപ്രവർത്തനം ദുർഘടമായിരിക്കുകയാണ്.

സംഭവമറിഞ്ഞ് പ്രദേശത്ത് നിരവധി ആളുകളാണ് തടിച്ചുകൂടിയിട്ടുള്ളത്. പുലിയെ സുരക്ഷിതമായി പുറത്തെത്തിക്കാനുള്ള ദൗത്യത്തിന് വനംവകുപ്പ് ഉദ്യോഗസ്ഥരും പൊലീസും നേതൃത്വം നൽകി സ്ഥലത്ത് തുടരുകയാണ്.

പുലി കുളത്തിൽ വീണ സംഭവത്തിൽ വനംവകുപ്പിൻ്റെ ഇടപെടൽ എങ്ങനെ വിലയിരുത്തുന്നു? നിങ്ങളുടെ അഭിപ്രായം അറിയിക്കുക.

Article Summary: A leopard fell into a pond in Kodavalath, Pullur-Periya Panchayat, on Sunday evening (23.11.2025); forest officials and police initiated rescue efforts, which are complicated due to night time.

#LeopardRescue #Pullur #Kodavalath #ForestDepartment #WildlifeKerala #Kasargod