പൂച്ചക്കാട് സ്വദേശി ഗോവയില്‍ ഹൃദയാഘാതത്തെ തുടര്‍ന്ന് മരിച്ചു

കാഞ്ഞങ്ങാട്: (www.kasargodvartha.com 29/06/2015) പള്ളിക്കര പൂച്ചക്കാട് സ്വദേശി ഗോവയില്‍ ഹൃദയാഘാതത്തെ തുടര്‍ന്ന് മരിച്ചു. പൂച്ചക്കാട്ടെ സ്റ്റോര്‍ മുഹമ്മദ് കുഞ്ഞി-അസ്മ ബീവി ദമ്പതികളുടെ മകന്‍ സുബൈര്‍ (45) ആണ് മരിച്ചത്. ഞായറാഴ്ച നെഞ്ചുവേദനയെ തുടര്‍ന്ന് ഗോവ മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. തിങ്കളാഴ്ച പുലര്‍ച്ചെയാണ് മരണം സംഭവിച്ചത്.

ഒരു വര്‍ഷത്തോളമായി ഗോവയില്‍ ഹോട്ടല്‍ തൊഴിലാളിയായി ജോലി ചെയ്തു വരികയായിരുന്നു. ഭാര്യ: ഖദീജ (ചെറുവത്തൂര്‍ മാവിലാകടപ്പുറം) ഏക മകള്‍ അസ്ബിയ. സഹോദരങ്ങള്‍: അബ്ദുര്‍ റഹ് മാന്‍, അഹമ്മദ് ഷാഫി, സിദ്ദീഖ്, സുഹറ, ജമീല, ആഇശ. മൃതദേഹം ചൊവ്വാഴ്ചയോടെ നാട്ടിലെത്തിക്കും.