വാഹന പരിശോധനക്കിടെ ഹൈവേ പോലീസിനെ ബൈക്കിടിച്ച് വീഴ്ത്തി
Feb 19, 2013, 18:04 IST
കാഞ്ഞങ്ങാട്: വാഹന പരിശോധന നടത്തുകയായിരുന്ന ഹൈവേ പോലീസുകാരനെ നിര്‍ത്താതെ ഓടിച്ചുവന്ന ബൈക്കിടിച്ചു വീഴ്ത്തി. രാജപുരത്തെ സ്റ്റീഫന്റെ മകനും ഹൈവേ പോലീസുകാരനുമായ ഷിനോജ് സ്റ്റീഫനാണ് (30) അപകടത്തില്‍ പരിക്കേറ്റത്. ചൊവ്വാഴ്ച രാവിലെ 11 മണിയോടെ വട്ടത്തോടിലാണ് സംഭവം.
ഷിനോജ് സ്റ്റീഫന്‍ ഉള്‍പ്പെടെയുള്ള ഹൈവേ പോലീസുകാര്‍ വാഹന പരിശോധന നടത്തുന്നതിനിടെ ഓടിച്ചുവന്ന ബൈക്ക് കൈകാണിച്ചിട്ടും നിര്‍ത്തിയില്ല. ഇതേത്തുടര്‍ന്ന് ബൈക്ക് തടഞ്ഞുനിര്‍ത്താന്‍ ശ്രമിക്കുമ്പോള്‍ ഷിനോജിനെ ഇടിച്ചിടുകയായിരുന്നു. ഇതോടെ മറ്റ് പോലീസുകാര്‍ ബൈക്ക് തടഞ്ഞ് യുവാവിനെ കസ്റ്റഡിയിലെടുത്തു. ഷിനോജിനെ പരിക്കുകളോടെ ജില്ലാശുപത്രിയില്‍ പ്രവേശിപ്പിച്ചു.
Keywords: Inspection, Vehicle, Police, Bike, Kanhangad, Rajapuram, Son, Accident, Injured, Youth, Custody, General-hospital, Kerala,Kerala News, International News, National News, Gulf News, Health News, Educational News, Business News, Stock news, Gold News.
Tags
Share this story
