ഫോട്ടോ ഗ്രാഫറുടെ മരണം നാടിനെ കണ്ണീരിലാഴ്ത്തി

കാഞ്ഞങ്ങാട്: (www.kasargodvartha.com 17.05.2014) കാഞ്ഞങ്ങാട്ടെ ഫോട്ടോ ഗ്രാഫറും സ്റ്റുഡിയോ ഉടമയുമായ അതിയാമ്പൂര്‍ കാലിക്കാടവിലെ രാജേഷിന്റെ (30) മരണം നാടിനെ കണ്ണീരിലാഴ്ത്തി. കോട്ടച്ചേരിക്കുന്നുമ്മലിലെ ഫോട്ടോ മാക്‌സ് സ്റ്റുഡിയോ ഉടമയായ രജേഷ് ഫ്രീലാന്റ്‌സ് ഫോട്ടോ ഗ്രാഫില്‍ ഒട്ടേറെ അവാര്‍ഡ് നേടിയിട്ടുണ്ട്.

കാലിക്കടവിലെ കെ. കൃഷ്ണന്‍-ശാന്ത ദമ്പതികളുടെ മകനാണ്. വെള്ളിയാഴ്ച രാത്രിയാണ് വീട്ടിലെ മുകള്‍ നിലയിലെ മുറിയില്‍ രാജേഷിനെ തൂങ്ങിമരിച്ച നിലയില്‍ കണ്ടത്തിയത്. ഏതാനും ദിവസം മുമ്പ് സ്ഥാപനം പൂട്ടിയിരുന്നു. സൗമ്യനും, സല്‍സ്വഭാവിയുമായ രാജേഷ് നല്ലൊരു സുഹൃദ് വലയത്തിന് ഉടമ കൂടിയായിരുന്നു. സഹോദരങ്ങള്‍: രതീഷ്, രജനീഷ്, രാഗേഷ് (മൂന്നു പേരും ഫോട്ടോ ഗ്രാഫര്‍മാര്‍).