പെരിയ സെൻട്രൽ യൂണിവേഴ്സിറ്റിക്ക് സമീപം ദേശീയപാതയിൽ മീൻ ലോറിക്ക് തീ പിടിച്ചു
● പൊന്നാനിയിൽ നിന്നും മംഗളൂരു ഭാഗത്തേക്ക് മീൻ കൊണ്ടു പോകുന്ന ലോറിയാണ് കത്തിയത്.
● ലോറിയിൽ ഡ്രൈവർ മാത്രമാണ് ഉണ്ടായിരുന്നത്; ഇയാൾ ഉടൻ ഇറങ്ങി ഓടിയതിനാൽ രക്ഷപ്പെട്ടു.
● എഞ്ചിൻ അമിതമായി ചൂടായി കത്തിയതാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
● തീപിടിത്തത്തെ തുടർന്ന് ദേശീയപാതയിൽ ഗതാഗത തടസ്സമുണ്ടായി.
● തീ നിയന്ത്രണ വിധേയമാക്കുന്നതിനായി കാഞ്ഞങ്ങാട് നിന്നും രണ്ട് യൂണിറ്റ് അഗ്നിശമനാ സേന സ്ഥലത്തെത്തി.
കാഞ്ഞങ്ങാട്: (KasargodVartha) ദേശീയപാതയിൽ പെരിയ സെൻട്രൽ യൂണിവേഴ്സിറ്റിക്ക് സമീപം ഓടിക്കൊണ്ടിരുന്ന ലോറിക്ക് തീ പിടിച്ചു. തിങ്കളാഴ്ച (24.11.2025) ഉച്ചയ്ക്ക് ആണ് നാഷണൽ പെർമിറ്റ് ഉള്ള ലോറിക്ക് തീ പിടിച്ചത്. തീ ആളിക്കത്തിക്കൊണ്ടിരിക്കുകയാണ്. തീ നിയന്ത്രണ വിധേയമാക്കുന്നതിനായി കാഞ്ഞങ്ങാട് നിന്നും രണ്ട് യൂണിറ്റ് അഗ്നിശമനാ സേന സ്ഥലത്തെത്തി.
പൊന്നാനിയിൽ നിന്നും മംഗളൂരു ഭാഗത്തേക്ക് മീൻ കൊണ്ടു പോകുന്ന ലോറിക്കാണ് തീപ്പിടിച്ചത്. ലോറിയിൽ ഡ്രൈവർ മാത്രമാണ് ഉണ്ടായിരുന്നത്. ഇയാൾ തീ പടരുന്നത് കണ്ട് ഉടൻ തന്നെ ലോറി നിർത്തി പുറത്തിറങ്ങി ഓടിയതിനാൽ അപകടത്തില്നിന്നും രക്ഷപ്പെട്ടു.
എഞ്ചിൻ അമിതമായി ചൂടായി കത്തിയതാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. തീപിടിത്തത്തെ തുടർന്ന് ദേശീയപാതയിൽ ഗതാഗതം തടസ്സപ്പെട്ടു. അഗ്നിശമനാ സേനാംഗങ്ങള് ചേര്ന്ന് തീ പൂർണ്ണമായും അണയ്ക്കുന്നതിനുള്ള ശ്രമങ്ങൾ തുടരുകയാണ്.
ഓടിക്കൊണ്ടിരിക്കുന്ന വാഹനങ്ങൾക്ക് തീപിടിക്കുന്നത് എന്തുകൊണ്ടാണ്? നിങ്ങളുടെ അഭിപ്രായം പങ്കുവെക്കുക.
Article Summary: Fish lorry catches fire on National Highway near Periya Central University; driver escapes unhurt.
#LorryFire #Periya #NationalHighway #Kasargod #FireAccident #RoadSafety
