ബാറിനു എന്‍.ഒ.സി. നല്‍കാന്‍ സാഹചര്യമൊരുക്കിയതില്‍ ഉദ്യോഗസ്ഥരുടെ കൈകടത്തല്‍: വെല്‍ഫയര്‍ പാര്‍ട്ടി

കാഞ്ഞങ്ങാട്: (www.kasargodvartha.com 01.06.2014) മുനിസിപ്പാലിറ്റി ബാറിനു എന്‍.ഒ.സി. നല്‍കാന്‍ സാഹചര്യമൊരുക്കിയതില്‍ കൗണ്‍സിലര്‍മാരോടൊപ്പം ഉദ്യോഗസ്ഥരുടെ കൈകടത്തലുമുണ്ടായിട്ടുണ്ടെന്ന് തെളിഞ്ഞതായി വെല്‍ഫെയര്‍ പാര്‍ട്ടി ജില്ലാ സെക്രട്ടറി പി.കെ അബ്ദുല്ല ആരോപിച്ചു. മുനിസിപ്പല്‍ യോഗ തീയ്യതി തെറ്റായി രേഖപ്പെടുത്തിയതും മന്ത്രിയുടെ നിര്‍ദേശത്തെയും അംഗീകരിച്ച പ്രമേയം സര്‍ക്കാരിനു സമര്‍പ്പിക്കുന്നതില്‍ ഉദ്യോഗസ്ഥരുടെ കൈകടത്തല്‍ കൃത്യമായി വ്യക്തമാകുന്നതാണ്. മദ്യലോബിയുമായി അവിശുദ്ധ ബന്ധമുള്ള ഉദ്യോഗസ്ഥര്‍ക്കെതിരെ നടപടി സ്വീകരിക്കണം.

കൗണ്‍സിലര്‍മാര്‍ക്കെതിരെ നടപടി സ്വീകരിച്ച കോണ്‍ഗ്രസ് നിലപാടും, പതിനൊന്ന് കൗണ്‍സിലര്‍മാരെ സസ്‌പെന്റ് ചെയ്യണമെന്ന ലീഗ് ശുപാര്‍ശയും ബാര്‍ വിഷയത്തില്‍ ഭരണപക്ഷത്ത് കൃത്യമായ വീഴ്ച പറ്റിയിട്ടുണ്ടെന്നതിനുള്ള തെളിവാണ്. ശുപാര്‍ശ നടപ്പിലാക്കാന്‍ ലീഗ് സംസ്ഥാന നേതൃത്വം ആര്‍ജവം കാണിക്കണമെന്നും പ്രസ്ഥാവനയില്‍ ആവശ്യപ്പെട്ടു.