മദ്യലഹരിയില്‍ അനുജനെ കുത്തിക്കൊന്ന കേസില്‍ ജ്യേഷ്ഠന്‍ കോടതിയില്‍ കീഴടങ്ങി

കാഞ്ഞങ്ങാട്: കീഴൂരില്‍ മദ്യലഹരിയില്‍ അനുജനെ കുത്തിക്കൊലപ്പെടുത്തിയശേഷം  നാടുവിട്ട ജ്യേഷ്ഠന്‍  കോടതിയില്‍ കീഴടങ്ങി. നവംബര്‍ 12 നാണ് കീഴൂര്‍ കോളനിയിലെ താമസക്കാരനായ സുധാകരന്റെ മകന്‍ വിനുവിനെ(28) മദ്യലഹരിയില്‍ കുത്തിക്കൊലപ്പെടുത്തിയ ശേഷം ജ്യേഷ്ഠന്‍  നാരായണന്‍(36) നാടുവിട്ടുപോയത്.

Vinu

രണ്ടു ദിവസത്തെ അജ്ഞാതവാസത്തിനുശേഷം നാരായണന്‍ വെള്ളിയാഴ്ച ഹൊസ്ദുര്‍ഗ് ഒന്നാം ക്ലാസ് മജിസ്‌ട്രേറ്റ് കോടതിയില്‍ കീഴടങ്ങുകയായിരുന്നു.

നാരായണനെ കോടതി 45 ദിവസത്തേക്ക് റിമാന്‍ഡ് ചെയ്തു. കൊലപാതകത്തിന്റെ തെളിവുകള്‍ കണ്ടെത്തുന്നതിനായി നാരായണനെ കസ്റ്റഡിയില്‍ ആവശ്യപ്പെടുമെന്ന് കേസ് അന്വേഷിക്കുന്ന സി.ഐ
പി.കെ.സുധാകരന്‍ പറഞ്ഞു.

കസ്റ്റഡിയില്‍ വിട്ടുകിട്ടാനായി ശനിയാഴ്ച സി.ഐ ഹൊസ്ദുര്‍ഗ് കോടതിയില്‍ അപേക്ഷ നല്‍കും.
കീഴൂരില്‍ യുവാവിന്റെ കൊല: പ്രതിയായ സഹോദരന്‍ ഒളിവില്‍
മടക്കം വിശ്വസിക്കാനാകുന്നില്ല; വികാരനിര്‍ഭരമായി സച്ചിന്റെ വിടവാങ്ങല്‍ പ്രസംഗം