തൃക്കരിപ്പൂര്‍ മാടക്കാലില്‍ ഉറൂസിന് പോകുന്നവര്‍ സഞ്ചരിച്ച തോണി മറിഞ്ഞ് നിരവധി പേര്‍ക്ക് പരിക്ക്

തൃക്കരിപ്പൂര്‍: തൃക്കരിപ്പൂര്‍ മാടക്കാലില്‍ ഉറൂസിന് പോകുന്നവര്‍ സഞ്ചരിച്ച തോണി മറിഞ്ഞ് നിരവധി പേര്‍ക്ക് പരിക്കേറ്റു. വ്യാഴാഴ്ച ഉച്ചയ്ക്ക് 12 മണിയോടെയാണ് അപകടമുണ്ടായത്. മാടക്കാലില്‍ തകര്‍ന്ന തൂക്കുപാലത്തിന് സമീപത്തെ വടക്കേ വളപ്പ് കടവില്‍ നിന്നും തൃക്കരിപ്പൂര്‍ കടവിലേക്ക് പോവുകയായിരുന്ന കടത്തു തോണിയാണ് മറിഞ്ഞത്.

തൃക്കരിപ്പൂര്‍ കടപ്പുറത്തെ ഉറൂസിന് പോവുകയായിരുന്നവരാണ് കുടുതലും തോണിയിലുണ്ടായിരുന്നത്. കരയോട് അടുപ്പിക്കുന്നതിന് തൊട്ടുമുമ്പാണ് തോണി മുങ്ങിയത്. പരിക്കേറ്റ എന്‍. നീതു, കെ. കുഞ്ഞാമിന, കെ കുല്‍സു, ബുഷ്‌റ, കുണ്ടേംകടവിലെ കെ. ലാവണ്യ, പയ്യന്നൂര്‍ മാത്തിലിലെ കെ. ഷീജ എന്നിവരെ പയ്യന്നൂരിലെയും തൃക്കരിപ്പൂരിലെയും ആശുപത്രികളില്‍ പ്രവേശിപ്പിച്ചു.

കരയിലുണ്ടായിരുന്ന നാട്ടുകാരായ പി. സന്തോഷ്, ഇ. മധു, പി. പ്രഭാകരന്‍, കടത്തുകാരന്‍ കുമാരന്‍ എന്നിവര്‍ ചേര്‍ന്ന് മുങ്ങിത്താഴുകയായിരുന്നവരെ രക്ഷപ്പെടുത്തുകയായിരുന്നു. ചന്തേര പോലീസ് സ്ഥലത്ത് കുതിച്ചെത്തിയിരുന്നു.

പലരുടെയും ആഭരണങ്ങളും വിലപിടിപ്പുള്ള മൊബൈല്‍ ഫോണുകളും നഷ്ടപ്പെട്ടു. ഭാഗ്യം കൊണ്ടാണ് വന്‍ ദുരന്തം ഒഴിവായത്. സ്ത്രീകളുടെ കൂടെ കുട്ടികളും ഉണ്ടായിരുന്നെങ്കിലും എല്ലാവരെയും നാട്ടുകാര്‍ രക്ഷപ്പെടുത്തി.
Keywords : Trikaripur, Accident, River, Injured, Hospital, Kasaragod, Kanhangad, Kerala, Madakkal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.