തമിഴ്‌നാട് സ്വദേശി ക്വാര്‍ടേഴ്‌സില്‍ തൂങ്ങിമരിച്ചനിലയില്‍

കാഞ്ഞങ്ങാട്: ഗുജിരി സാധനങ്ങള്‍ പെറുക്കി വില്‍ക്കുന്ന തമിഴ്‌നാട് സ്വദേശിയായ യുവാവിനെ ക്വാര്‍ടേഴ്‌സില്‍ തൂങ്ങിമരിച്ചനിലയില്‍ കണ്ടെത്തി. നീലേശ്വരം പോലീസ് സ്‌റ്റേഷനടുത്ത ക്വാര്‍ടേഴ്‌സിലെ താമസക്കാരനായ ആര്‍.ദുരൈ(25) ആണ് മരിച്ചത്.

ബുധനാഴ്ച രാവിലെ മുറിയില്‍ തൂങ്ങിമരിച്ചനിലയില്‍ കാണുകയായിരുന്നു. ചൊവ്വാഴ്ച രാത്രി ഇയാള്‍ ഭാര്യയുമായി വഴക്കു കൂടുകയും ആത്മഹത്യ ചെയ്യുമെന്ന് ഭീഷണി മുഴക്കുകയും ചെയ്തിരുന്നു.

തുടര്‍ന്ന് മുറിയില്‍ കയറി അകത്തുനിന്നും വാതില്‍ അടച്ചതായിരുന്നു.
രാവിലെ ഉണര്‍ന്നെണീക്കാത്തതിനെ തുടര്‍ന്ന് പരിശോധിച്ചപ്പോഴാണ് തൊട്ടിലിന്റെ കയറില്‍ തൂങ്ങിയനിലയില്‍ കണ്ടത്. ഭാര്യ: ശെല്‍വി. മക്കള്‍: കാവ്യ, ശരണ്യ.