പൊള്ളക്കടയില്‍ ലോറിയിടിച്ച് യുവാവ് മരിച്ചു

കാഞ്ഞങ്ങാട്: ദേശീയപാതമുറിച്ചു കടക്കുന്നതിനിടയില്‍ ലോറിയിടിച്ച് പുല്ലൂര്‍ സ്വദേശി മരിച്ചു. ക്വാറിതൊഴിലാളി കരക്കക്കുണ്ടിലെ ബാബു (50) ആണ് മരിച്ചത്. ഞായറാഴ്ച വൈകിട്ട് അഞ്ചരയ്ക്ക് ദേശീയപാതയില്‍ പൊള്ളക്കടയിലാണ് അപകടം.

ബസിറങ്ങി റോഡ് മുറിച്ച് കടക്കുമ്പോള്‍ കാസര്‍കോട് നിന്നും കാഞ്ഞങ്ങാട് ഭാഗത്തേക്ക് പോവുകയായിരുന്ന ലോറിയാണ് ഇടിച്ചത്. സാരമായി പരിക്കേറ്റ ബാബുവിനെ ഉടന്‍ മംഗലാപുരം ആശുപത്രിയില്‍ കൊണ്ടുപോയെങ്കിലും രാത്രിയോടെ മരിച്ചു. കാഞ്ഞങ്ങാടു വന്ന് തിരിച്ചു പോകുമ്പോഴാണ് അപകടം. അപകടം വരുത്തിയ എം.എച്ച് 11 എ.എല്‍ 4347 നമ്പര്‍ ലോറി അമ്പലത്തറ പോലീസ് കസ്റ്റഡിയിലെടുത്തു.

പരേതരായ പക്കീരന്റെയും കല്ല്യാണിയടേയും മകനാണ് ബാബു. ഭാര്യ: ഉഷ. മക്കള്‍: അഭിജിത്ത്, അമല്‍ജിത്ത്. സഹോദരങ്ങള്‍: മുരളി, പരേതനായ രാമകൃഷണന്‍.

Keywords: Lorry, Man, Dead, Kanhangad, High way, Crossing, Sunday, Evening, Hospital,  Accident, Police, Custody, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: