അനധികൃത മണല്‍കടത്ത്: ലോറി ഡ്രൈവറും ഉടമയും അറസ്റ്റില്‍

By Desk DeltaJun 10, 2014, 10:11 IST

കാഞ്ഞങ്ങാട്: (www.kasargodvartha.com 10.06.2014) രേഖകകളില്ലാതെ മണല്‍കടത്തുകയായിരുന്ന ലോറി പോലീസ് കസ്റ്റഡിയിലെടുത്തു. ലോറി ഉടമയേയും ഡ്രൈവറേയും അറസ്റ്റുചെയ്തു. തിങ്കളാഴ്ച രാവിലെ മാവുങ്കാലില്‍ നിന്നാണ് കെ.എല്‍. 03 സി 7023 നമ്പര്‍ ലോറി ഹൊസ്ദുര്‍ഗ് പോലീസ് പിടികൂടിയത്.

പടന്നക്കാട്‌നിന്ന് മാവുങ്കാലിലേക്ക് അനധികൃതമായി മണല്‍കടത്തുന്നതിനിടയില്‍ പിടികൂടുകയായിരുന്നു. ലോറിയുടമ ആറങ്ങാടിയിലെ ഫൈസല്‍ (27), ഡ്രൈവര്‍ മടിക്കൈ ചുള്ളിമൂലയിലെ സന്തോഷ് (23) എന്നിവരാണ് അറസ്റ്റിലായത്. ജില്ലയുടെ പലഭാഗത്തും അനധികൃത മണല്‍ വാരലും കടത്തും വര്‍ധിച്ചതിന്റെ അടിസ്ഥാനത്തിലാണ് പോലീസ് വാഹനപരിശോധന കര്‍ശനമാക്കിയത്.