ജില്ലാ കമ്മിറ്റി തെരഞ്ഞെടുപ്പ്: കെഎസ്‌യുവില്‍ കള്ളവോട്ട് വിവാദം

V.P.Pradeep Kumar

കാഞ്ഞങ്ങാട്: കഴിഞ്ഞ ദിവസം കോഴിക്കോട് പന്നിയന്‍കരയില്‍ നടന്ന കെഎസ്‌യു കാസര്‍കോട് ജില്ലാ കമ്മിറ്റി തിരഞ്ഞെടുപ്പില്‍ കള്ളവോട്ട് വിവാദം. 14 കള്ളവോട്ട് കണ്ടെത്തിയെന്ന പരാതിയുമായി എ ഗ്രൂപ്പ് രംഗത്തിറങ്ങിയതോടെ വിവാദം കൂടുതല്‍ കൊഴുത്തു.

മൊത്തം വോട്ടെണ്ണിക്കഴിഞ്ഞപ്പോള്‍ വോട്ടിന്റെ എണ്ണം 172 ആണ്. ജില്ലാ പ്രസിഡണ്ടായി തിരഞ്ഞെടുക്കപ്പെട്ട ഐ ഗ്രൂപ്പിലെ വി പി പ്രദീപ് കുമാറിന് 82 ഉം എതിര്‍ സ്ഥാനാര്‍ത്ഥി എയിലെ ജോമോന്‍ ജോസഫിന് 72 ഉം വോട്ടാണ് ലഭിച്ചത്. എ പാനലില്‍ മത്സരിച്ച നോയലിന് 2 ഉം ഹാരിസ്, ആരിഫ് എന്നിവര്‍ക്ക് 3 വീതവും ഐ പാനലിലെ പ്രജീഷിന് 4 ഉം കാര്‍ത്തികേയന്‍, രതീഷ് എന്നിവര്‍ക്ക് 2 വീതവും വോട്ടാണ് ലഭിച്ചത്.

ഈ കണക്കനുസരിച്ച് മൊത്തം വോട്ടര്‍മാരുടെ എണ്ണം ആകണം. എന്നാല്‍ വോട്ടര്‍ രജിസ്റ്ററില്‍ ഒപ്പിട്ടവരുടെ എണ്ണം
158 മാത്രമാണ്. 14 എണ്ണം കള്ളവോട്ടുകളാണെന്നാണ് എ ഗ്രൂപ്പിന്റെ പരാതി. വോട്ടെണ്ണിയതിന് ശേഷം റിട്ടേണിംങ് ഓഫീസര്‍ പറഞ്ഞത് മൊത്തം വോട്ടിന്റെ എണ്ണം 168 എന്നാണ്. ഓരോ സ്ഥാനാര്‍ത്ഥിക്കും ലഭിച്ച വോട്ട് കൂട്ടുമ്പോള്‍ കിട്ടുന്ന എണ്ണം 172 ആയിരിക്കെ റിട്ടേണിംങ് ഓഫീസര്‍ 168 എന്ന് വെളിപ്പെടുത്തിയതും എ ഗ്രൂപ്പില്‍ സംശയം ജനിപ്പിച്ചിട്ടുണ്ട്.

Keywords: election, KSU, Kanhangad, Kasaragod