കോട്ടച്ചേരി റെയില്‍വെ മേല്‍ പാലം: സ്ഥലം ഉടമകളുമായി ഏഴിന് ചര്‍ച്ച
Dec 2, 2012, 19:16 IST
കാഞ്ഞങ്ങാട്: കോട്ടച്ചേരി റെയില്‍വെ മേല്‍പാലത്തിന് ഭൂമി വിട്ടുകൊടുക്കേണ്ട സ്ഥല ഉടമകളുമായി ചര്‍ച്ച ചെയ്ത് സമവായത്തിലെത്തിക്കാന്‍ യതിംഖാന ഹാളില്‍ ചേര്‍ന്ന സര്‍വ കക്ഷിയോഗം തീരുമാനിച്ചു.
ഡിസംബര്‍ ഏഴിന് വൈകിട്ട് ഏഴ് മണിക്ക് കാഞ്ഞങ്ങാട് റെസ്റ്റ് ഹൗസില്‍ സ്ഥലം ഉടമകളുമായി പി.കരുണാകരന്‍ എം.പി, ഇ.ചന്ദ്രശേഖരന്‍ എം.എല്‍.എ, മുനിസിപ്പല്‍ ചെയര്‍പേഴ്‌സണ്‍ ഹസീന താജുദ്ധീന്‍, അജാനൂര്‍ പഞ്ചായത്ത് പ്രസിഡന്റ് പി.പി. നസീമ എന്നിവരുള്‍പ്പെടെ ആക്ഷന്‍ കമ്മിറ്റി ഭാരവാഹികളും, രാഷ്ട്രീയ പാര്‍ട്ടി പ്രതിനിധികളും ചര്‍ച്ച നടത്തും.
ആക്ഷന്‍ കമ്മിറ്റിയുടെ ആഭിമുഖ്യത്തില്‍ ചേര്‍ന്ന സര്‍വ കക്ഷിയോഗത്തില്‍ ചെയര്‍മാന്‍ എച്ച്. ശിവദത്ത്, അധ്യക്ഷം വഹിച്ചു. ജനറല്‍ കണ്‍വീനര്‍ എ.ഹമീദ് ഹാജി സ്വാഗതം പറഞ്ഞു. പി.കരുണാകരന്‍ എം.പി. ഉദ്ഘാടനം ചെയ്തു. ഇ.ചന്ദ്രശേഖരന്‍ എം.എല്‍.എ, ഡോ: വിജയരാഘവന്‍, ബഷീര്‍ വെള്ളിക്കോത്ത്, എം. കുഞ്ഞിക്കൃഷ്ണന്‍, വി കമ്മാരന്‍ വി.കൃഷ്ണന്‍ മാസ്റ്റര്‍, ടി. മുഹമ്മദ് അസ്‌ലം, പുത്തൂര്‍ മുഹമ്മദ് കുഞ്ഞി ഹാജി എന്നീവര്‍ പ്രസംഗിച്ചു.
Keywords: Kottacheri, Overbridge, All party meet, Kanhangad, Kasaragod, Kerala, Malayalam news, Kottacheri fly over discussion on Dec 7
Tags
Share this story
