കെ.എം.സി.സി ചികിത്സാ ധനസഹായം നല്‍കി

കാഞ്ഞങ്ങാട്: അജാനൂര്‍ കൊത്തിക്കാല്‍ മുസ്ലിം ജമാഅത്തിലെ നിര്‍ധന കാന്‍സര്‍ രോഗികള്‍ക്കുള്ള അബുദാബി കാഞ്ഞങ്ങാട് നിയോജക മണ്ഡലം കെ.എം.സി.സിയുടെ ചികിത്സാ സഹായം പാറക്കാട്ട് മുഹമ്മദ് ഹാജി, ജമാഅത്ത് പ്രസിഡണ്ട് കോപ്പടി മുഹമ്മദിനെ ഏല്‍പിച്ചു.

കൊത്തിക്കാല്‍ മദ്‌റസില്‍ നടന്ന ചടങ്ങില്‍ എം.എം നാസര്‍ അധ്യക്ഷത വഹിച്ചു. ജമാഅത്ത് ട്രഷറര്‍ കെ.എം മുഹമ്മദ്കുഞ്ഞി ഉദ്ഘാടനം ചെയ്തു. സ്ഥലം ഖത്തീബ് അബ്ദുല്ല അഷ്‌റഫി പ്രാര്‍ത്ഥന നടത്തി. ജമാഅത്ത് സെക്രട്ടറി കെ.എം ഹമീദ്, കൊത്തിക്കാല്‍ ഹസന്‍ ഹാജി, എ. അബ്ദുല്ല, കെ. മുഹമ്മദ് ഹാജി, ലത്വീഫ് കൊത്തിക്കാല്‍, വമ്പന്‍ അബ്ദുല്ല, അബൂബക്കര്‍ കൊളവയല്‍, ശരീഫ് ബല്ലാ കടപ്പുറം എന്നിവര്‍ പ്രസംഗിച്ചു. പി.പി കുഞ്ഞബ്ദുല്ല സ്വാഗതം പറഞ്ഞു.