മലിനജലത്തിൽ മുങ്ങി മീൻ മാർക്കറ്റ്: അധികാരികളുടെ കണ്ണുതുറക്കാൻ യൂത്ത് കോൺഗ്രസ് മൂക്കുപൊത്തി സമരം
● തൊഴിലാളികൾ മലിനജലത്തിൽ ഇരുന്ന് ജോലി ചെയ്യുന്നു.
● പ്രശ്നം പരിഹരിച്ചില്ലെങ്കിൽ ശക്തമായ സമരങ്ങൾക്ക് യൂത്ത് കോൺഗ്രസ് മുന്നറിയിപ്പ് നൽകി.
● യൂത്ത് കോൺഗ്രസ് കാഞ്ഞങ്ങാട് നിയോജക മണ്ഡലം പ്രസിഡന്റ് ഷിബിൻ ഉപ്പിലിക്കൈ പ്രതിഷേധം ഉദ്ഘാടനം ചെയ്തു.
കാഞ്ഞങ്ങാട്: (KasargodVartha) മത്സ്യ മാർക്കറ്റിലെ ദുരിതാവസ്ഥയ്ക്കെതിരെ യൂത്ത് കോൺഗ്രസ് കാഞ്ഞങ്ങാട് മണ്ഡലം കമ്മിറ്റിയുടെ നേതൃത്വത്തിൽ ശക്തമായ പ്രതിഷേധം സംഘടിപ്പിച്ചു. റെയിൽവേ സ്റ്റേഷൻ റോഡിലേക്ക് മത്സ്യ മാർക്കറ്റിൽ നിന്നുള്ള മലിനജലം ഒഴുകിയെത്തി ദുർഗന്ധം വമിക്കുന്നത് കാൽനടയാത്രക്കാർക്ക് വലിയ ബുദ്ധിമുട്ടാണുണ്ടാക്കുന്നത്. മൂക്ക് പൊത്താതെ ഈ വഴിയിലൂടെ നടന്നുപോകാൻ സാധിക്കാത്ത അവസ്ഥയാണുള്ളതെന്ന് പ്രതിഷേധക്കാർ ചൂണ്ടിക്കാട്ടി.
മത്സ്യ മാർക്കറ്റ് കെട്ടിടത്തിൽ ലക്ഷങ്ങൾ മുടക്കി മലിനജല ശുദ്ധീകരണ പ്ലാന്റ് സ്ഥാപിച്ചിട്ടും, മത്സ്യ വിൽപ്പന തൊഴിലാളികൾ കെട്ടിക്കിടക്കുന്ന മലിനജലത്തിൽ ഇരുന്ന് ജോലി ചെയ്യുന്ന ദയനീയ കാഴ്ചയും പ്രതിഷേധത്തിന് കാരണമായി.
അധികാരികളുടെ ശ്രദ്ധ ക്ഷണിക്കുന്നതിനായി യൂത്ത് കോൺഗ്രസ് പ്രവർത്തകർ മത്സ്യ മാർക്കറ്റിലേക്ക് പ്രതിഷേധ മാർച്ച് നടത്തുകയും മൂക്ക് പൊത്തി പ്രതിഷേധിക്കുകയും ചെയ്തു. പ്രശ്നം പരിഹരിച്ചില്ലെങ്കിൽ ശക്തമായ തുടർ സമരങ്ങളുമായി മുന്നോട്ട് പോകുമെന്ന് യൂത്ത് കോൺഗ്രസ് മുന്നറിയിപ്പ് നൽകി.
യൂത്ത് കോൺഗ്രസ് കാഞ്ഞങ്ങാട് നിയോജക മണ്ഡലം പ്രസിഡന്റ് ഷിബിൻ ഉപ്പിലിക്കൈ പ്രതിഷേധം ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡന്റ് വിനീത് എച്ച് ആർ അധ്യക്ഷത വഹിച്ചു.
ഹോസ്ദുർഗ് ബാങ്ക് പ്രസിഡന്റ് പ്രവീൺ തോയമ്മൽ, കോൺഗ്രസ് നേതാക്കളായ വിനോദ് ആവിക്കര, പി വി തമ്പാൻ, ഐ എൻ ടി യു സി നേതാവ് പി.വി.ബാലകൃഷ്ണൻ, മത്സ്യ തൊഴിലാളി കോൺഗ്രസ് നേതാവ് വി വി കുഞ്ഞികൃഷ്ണൻ, യൂത്ത് കോൺഗ്രസ് മുൻ മണ്ഡലം പ്രസിഡന്റ് നിധീഷ് കടയങ്ങൻ, രതീഷ് ഒ വി, രാജേഷ് മൾട്ടി, രവീന്ദ്രൻ, നിയാസ് ഹോസ്ദുർഗ്, യൂത്ത് കോൺഗ്രസ് നിയോജക മണ്ഡലം സെക്രട്ടറിമാരായ സിജോ അമ്പാട്ട്, സന്ദീപ് ഒഴിഞ്ഞവളപ്പ്, കൃഷ്ണലാൽ തോയമ്മൽ, ഗോകുൽ ദാസ് ഉപ്പിലിക്കൈ, പ്രതീഷ് കല്ലഞ്ചിറ, ശരത്ത് ചന്ദ്രൻ, അജീഷ് പനത്തടി, മണ്ഡലം സെക്രട്ടറിമാരായ സുനീഷ് അരയി, അർജുൻ, അനിരുദ്ധ്, സിനാൻ, ജിഷ്ണു, രോഹിത് എന്നിവർ നേതൃത്വം നൽകി.
കാഞ്ഞങ്ങാട്ടെ ഈ ദുരവസ്ഥയെക്കുറിച്ച് നിങ്ങളുടെ അഭിപ്രായങ്ങൾ കമന്റ് ചെയ്യുക.
Article Summary: Youth Congress protests Kanhangad fish market's unhygienic conditions.
#Kanhangad #YouthCongress #Protest #FishMarket #Sewage #Kerala
