മനുഷ്യാവകാശ കമ്മീഷൻ ഉത്തരവ് കാറ്റിൽപ്പറത്തി നഗരസഭ: കാഞ്ഞങ്ങാട് പഴയ ബസ് സ്റ്റാൻഡ് നിർമ്മാണം സമയബന്ധിതമായി പൂർത്തിയാക്കിയില്ല

കാഞ്ഞങ്ങാട്: (Kasargodvartha) പഴയ ബസ് സ്റ്റാൻഡ് നിർമ്മാണ ജോലികൾ പൂർത്തിയാക്കി സെപ്റ്റംബർ ആറിനകം തുറന്നു കൊടുക്കണമെന്ന മനുഷ്യാവകാശ കമ്മീഷൻ ഉത്തരവ് ലംഘിച്ച കാഞ്ഞങ്ങാട് നഗരസഭ അധികൃതരുടെ നടപടിക്കെതിരെ വീണ്ടും കമ്മീഷനെ സമീപിക്കുമെന്ന് കേരള കോൺഗ്രസ് വാർത്താക്കുറിപ്പിൽ അറിയിച്ചു.

ഒരു മാസം കൊണ്ട് തീർക്കാവുന്ന ബസ് സ്റ്റാൻഡ് നിർമ്മാണ പ്രവൃത്തികൾ മാസങ്ങളോളം നീട്ടിക്കൊണ്ടുപോയി വ്യാപാരികളുടെ അന്നം മുട്ടിച്ച നഗരസഭയുടെ നടപടി പ്രതിഷേധാർഹമാണ്. മനുഷ്യാവകാശ കമ്മീഷൻ ഉത്തരവിട്ടിട്ട് പോലും ജോലികൾ പൂർത്തിയാക്കി പറഞ്ഞ തീയതിക്ക് തുറന്നു കൊടുക്കാത്ത നഗരസഭയുടെ നടപടി ഒരു തരത്തിലും അംഗീകരിക്കാൻ കഴിയില്ലെന്നാണ് നേതാക്കൾ പറയുന്നത്.

ബസ് സ്റ്റാൻഡിൽ ഗതാഗതക്കുരുക്ക് മൂലം ജനങ്ങൾ പൊറുതിമുട്ടുന്നത് കണ്ടിട്ട് പോലും പ്രവർത്തികൾ വേഗത്തിലാക്കി ബസ് സ്റ്റാൻഡ് തുറന്നു കൊടുക്കാത്ത നഗരസഭയുടെ നടപടി അങ്ങേയറ്റം പ്രതിഷേധാർഹമാണെന്ന് ജില്ലാ പ്രസിഡണ്ട് ജെറ്റോ ജോസഫ്, ജനറൽ സെക്രട്ടറി പ്രിൻസ് ജോസഫ് എന്നിവർ അഭിപ്രായപ്പെട്ടു.

കാഞ്ഞങ്ങാട് ബസ് സ്റ്റാൻഡ് ഉടൻ തുറക്കണമോ? നിങ്ങളുടെ അഭിപ്രായം പങ്കുവെയ്ക്കൂ, വാർത്ത ഷെയർ ചെയ്യൂ.

Article Summary: Kerala Congress to approach Human Rights Commission again over delay in Kanhangad bus stand opening.

#Kanhangad #BusStand #KeralaCongress #Kasargod #HumanRightsCommission #Development