കലോത്സവത്തില്‍ ജോജിക്ക് മികച്ച നേട്ടം

Jojy

മടിക്കൈ: മടിക്കൈയില്‍ നടന്ന് വരുന്ന ഹൊസ്ദുര്‍ഗ് ഉപജില്ലാ സ്‌കൂള്‍ കലോത്സവത്തില്‍ പങ്കെടുത്ത ആറ് മത്സരയിനങ്ങളില്‍ അഞ്ചിലും എ ഗ്രേഡോട് കൂടി ഒന്നാം സ്ഥാനവും ഒരു ഗ്രൂപ്പിനത്തില്‍ എ ഗ്രേഡോട് കൂടി രണ്ടാം സ്ഥാനവും നേടിയ കാഞ്ഞങ്ങാട് ദുര്‍ഗാ ഹയര്‍ സെക്കന്‍ഡറി സ്‌കൂളിലെ എട്ടാംതരം വിദ്യാര്‍ത്ഥി ജോജി എസ്. ബാബു മികച്ച നേട്ടം കൈവരിച്ചു.

ഗാനമേളയില്‍ പാട്ടുകാരനായും ഓര്‍കസ്ട്രയില്‍ റിഥം പാഡും കഥാപ്രസംഗത്തില്‍ ഓര്‍ഗണും കൈകാര്യം ചെയ്തും മത്സരിച്ച ജോജി സംസ്‌കൃതോത്സവത്തില്‍ സംഘഗാനം, വന്ദേമാതരം എന്നീ ഇനങ്ങളിലും പങ്കെടുത്തു. സംസ്‌കൃതോത്സവത്തില്‍ വ്യക്തിഗത ഇനത്തില്‍ പദ്യോഛാരണത്തില്‍ എ ഗ്രേഡോട് കൂടി ഒന്നാം സ്ഥാനം നേടി.

ഓര്‍ക്കസ്ട്ര, കഥാപ്രസംഗം, സംഘഗാനം, വന്ദേമാതരം എന്നീ ഗ്രൂപ്പിനങ്ങളില്‍ ജോജികൂടി ഉള്‍പ്പെട്ട സംഘത്തിനായിരുന്നു എ ഗ്രേഡോട് കൂടി ഒന്നാം സമ്മാനം. ഗാനമേളയില്‍ എ ഗ്രേഡോട് കൂടി രണ്ടാം സ്ഥാനവും നേടി. കാഞ്ഞങ്ങാട്ടെ മാധ്യമ പ്രവര്‍ത്തകന്‍ ബി. സി. ബാബുവിന്റെയും വി. ടി. സുലേഖ(ഗജാനന ഗ്രൂപ്പ്)യുടെയും മകനാണ്.