ജിഷ വധം: പുന­ര­ന്വേ­ഷ­ണ ഹ­ര്‍ജി അതി­വേഗ കോട­തി­യി­ലേ­ക്ക് മാ­റ്റി

കാ­ഞ്ഞ­ങ്ങാ­ട്: മ­ടി­ക്കൈ ക­ക്കാ­ട്ടെ ഗള്‍­ഫു­കാ­ര­നാ­യ രാ­ജേ­ന്ദ്ര­ന്റെ ഭാ­ര്യ ജി­ഷ­(25)യെ കു­ത്തി­ക്കൊ­ല­പ്പെ­ടു­ത്തി­യ കേ­സില്‍ പു­ന­ര­ന്വേ­ഷ­ണം ന­ട­ത്ത­ണ­മെ­ന്നാ­വ­ശ്യ­പ്പെ­ട്ട് പി­താ­വ് കു­ഞ്ഞി­കൃ­ഷ്­ണന്‍ നല്‍­കി­യ ഹ­ര്‍ജി ജി­ല്ലാ സെ­ഷന്‍­സ് കോ­ട­തി അ­ഡീ­ഷ­ണല്‍ സെ­ഷന്‍­സ് (ര­ണ്ട്) ഫാ­സ്റ്റ്­ട്രാ­ക്ക് കോ­ട­തി­യി­ലേ­ക്ക് മാ­റ്റി.

ജില്ലാ സെ­ക്ഷന്‍ കോ­ട­തി­യില്‍ നല്‍കിയ പു­ന­ര­ന്വേ­ഷ­ണം സം­ബ­ന്ധി­ച്ച ഹ­ര്‍ജി­യില്‍ അ­തി­വേ­ഗ കോ­ട­തി­യാണ് വി­ധി പ്ര­സ്­താ­വി­ക്കുക. ജി­ഷ വ­ധ­ക്കേ­സില്‍ പു­ന­ര­ന്വേ­ഷ­ണം വേ­ണമോ എ­ന്ന­ത് സം­ബ­ന്ധി­ച്ച പ്രോ­സി­ക്യൂ­ഷന്‍ റി­പ്പോര്‍­ട്ട് ക­ഴി­ഞ്ഞ ദി­വ­സം ജി­ല്ലാ സെ­ഷന്‍­സ് കോ­ട­തി­യില്‍ സ­മര്‍­പ്പി­ച്ചി­രു­ന്നു.

പു­ന­ര­ന്വേ­ഷ­ണം ആ­വ­ശ്യ­മി­ല്ലെ­ന്ന പോ­ലീ­സി­ന്റെ അ­ഭി­പ്രാ­യ­മ­ട­ങ്ങി­യ റി­പ്പോര്‍­ട്ടാ­ണ് പ്രോ­സി­ക്യൂ­ട്ടര്‍ കോ­ട­തി­ക്ക് നല്‍­കി­യ­ത്. ജി­ഷ വ­ധ­വു­മാ­യി ബ­ന്ധ­പ്പെ­ട്ട് ഭര്‍­തൃ­വീ­ട്ടി­ലെ ജോലികാ­ര­നാ­യി­രു­ന്ന ഒ­റീ­സ്സാ സ്വ­ദേ­ശി മ­ദ­ന­നെ­(24)യാ­ണ് പോ­ലീ­സ് അ­റ­സ്റ്റ് ചെ­യ്­തി­രു­ന്ന­ത്.

മ­ക­ളു­ടെ കൊ­ല­പാ­ത­ക­ത്തി­ന് ഇ­ട­യാക്കി­യ സം­ഭ­വ­ത്തി­ന്റെ കാര­ണം പോ­ലീ­സ് അ­ന്വേ­ഷി­ച്ചി­ല്ലെ­ന്ന് ആ­രോ­പി­ച്ചാ­ണ് ജി­ഷ­യു­ടെ പി­താ­വ് പു­ന­ര­ന്വേഷ­ണം ആ­വ­ശ്യ­പ്പെ­ട്ടു­ള്ള ഹര്‍­ജി­ നല്‍­കി­യ­ത്. അ­തേ­സമ­യം കേ­സില്‍ പ്ര­തി­യെ അ­റ­സ്റ്റ് ചെ­യ്യു­കയും പ്ര­തി കു­റ്റം സ­മ്മ­തി­ക്കു­കയും ആ­യു­ധം ഉള്‍­പ്പെ­ടെ­യു­ള്ള തെ­ളിവു­കള്‍ ക­ണ്ടെ­ത്തു­കയും ചെയ്­ത സാ­ഹ­ച­ര്യ­ത്തില്‍ കേ­സില്‍ പു­ന­ര­ന്വേഷ­ണം ന­ട­ത്തുന്ന­ത് കേ­സി­നെ ദുര്‍­ബ­ല­പ്പെ­ടു­ത്തു­മെ­ന്നും ഇ­ത് പ്ര­തി­ക്ക് അ­നുകൂ­ല സാ­ഹ­ചര്യം സൃ­ഷ്ടി­ക്കു­മെ­ന്നു­മാ­ണ് പ്രോ­സി­ക്യൂ­ഷന്‍ വാ­ദി­ക്കു­ന്നത്.