കുമ്പള പെര്‍വാഡില്‍ ടാങ്കര്‍ ലോറിയും ആംബുലന്‍സും കൂട്ടിയിടിച്ചു; സ്ത്രീക്ക് ഗുരുതരം

കുമ്പള: (www.kasargodvartha.com 05.12.2014) കുമ്പള പെര്‍വാര്‍ഡില്‍ ടാങ്കര്‍ ലോറിയും ആംബുലന്‍സിലുണ്ടായിരുന്നവര്‍ക്ക് പരിക്കേറ്റു. ഗുരുതരമായി പരിക്കേറ്റ മാണിക്കോത്തെ മറിയുമ്മ എന്ന സ്ത്രീയെ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു.

കാസര്‍കോട് നിന്നും മംഗലാപുരം ഭാഗത്തേക്ക് പോവുകയായിരുന്ന ടൗങ്കര്‍ ലോറിയും മംഗലാപുരത്ത് നിന്നും രോഗിയെ ഡിസ്ചാര്‍ജ് ചെയ്ത് കാഞ്ഞങ്ങാട് മാണിക്കോത്തേക്ക് പോവുകയായിരുന്ന ആംബുലന്‍സുമാണ് കുമ്പള പെര്‍വാര്‍ഡ് ദേശീയ പാതയില്‍ കൂട്ടിയിടിച്ചത്.

ഇന്ധനം ഇറക്കിയ ശേഷം മംഗലാപുരത്തേക്ക് പോവുകയായിരുന്നു ടാങ്കര്‍ ലോറി. അപകടത്തില്‍ പരിക്കേറ്റ ആംബുലന്‍സ് ഡ്രൈവര്‍ ഉള്‍പെടെയുള്ളവരെ കാസര്‍കോട്ടെ സ്വകാര്യ ആശുപത്രിയിലേക്ക് കൊണ്ടുപോയിട്ടുണ്ട്. വെള്ളിയാഴ്ച രാത്രി എട്ട് മണിയോടെയായിരുന്നു അപകടം. അപകടത്തെ കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.

കുമ്പള ആരിക്കാടിയില്‍ ഗ്യാസ് ടാങ്കര്‍ ലോറി മറിഞ്ഞ് അപകടമുണ്ടായതിന് തൊട്ടുപിന്നാലെയാണ് പെര്‍വാര്‍ഡില്‍ ടാങ്കര്‍ ലോറിയും ആംബുലന്‍സും കൂട്ടിയിടിച്ചത്.