പതിനഞ്ചുകാരിയുടെ തിരോധാനം; അന്വേഷണം ഊര്‍ജ്ജിതമാക്കി

ഇക്കഴിഞ്ഞ ഞായറാഴ്ച വൈകിട്ടാണ് ആന്‍മേരി നരിക്കുഴിയിലെ വീട്ടില്‍ നിന്നിറങ്ങിയത്. ചെറുപുഴ സ്‌കൂളില്‍ ആന്‍മേരി പഠനം നടത്തുന്നത് ഇവിടത്തെ ഹോസ്റ്റലില്‍ താമസിച്ചാണ്. അവധി ദിവസങ്ങളില്‍ മാത്രമേ ആന്‍മേരി വീട്ടിലേക്ക് വരാറുള്ളൂ. തിങ്കളാഴ്ച ക്ലാസ് പരീക്ഷക്ക് ആന്‍മേരി ഹാജരാവാതിരുന്നതിനെ തുടര്‍ന്ന് സ്‌കൂള്‍ അധികൃതര്‍ വീട്ടിലേക്ക് ഫോണില്‍ വിളിച്ചപ്പോഴാണ് പെണ്‍കുട്ടിയെ കാണാതായതായി വ്യക്തമായത്. തുടര്‍ന്ന് പിതാവ് മാത്യു ജോസഫ് വെള്ളരിക്കുണ്ട് പോലീസില്‍ പരാതി നല്‍കുകയായിരുന്നു. ആന്‍ മേരി എവിടെയുണ്ടെന്നത് സംബന്ധിച്ച് പോലീസിന് ഇതു വരെ വിവരമൊന്നും ലഭിച്ചിട്ടില്ല.

Keywords: Vellarikundu, Kanhangad, Missing, Kasaragod, Girl,