ഹോമിയോപ്പതി മരുന്നിന്റെ മറവില്‍ ചാരായ വില്‍പ്പന; അന്വേഷണം ആരംഭിച്ചു
Feb 15, 2012, 16:26 IST
ഉത്തര്‍പ്രദേശിലെ ഒരു കുഗ്രാമത്തില്‍ പ്രവര്‍ത്തിക്കുന്നുവെന്ന് പറയപ്പെടുന്ന ഹോമിയോ മരുന്ന് നിര്‍മ്മാണ കമ്പനിയുടെ പേരിലുള്ള വ്യാജ സ്റ്റിക്കര്‍ പതിപ്പിച്ച് സ്പിരിറ്റില്‍ വെള്ളം ചേര്‍ത്ത് ചാരായമാക്കിയും സ്പിരിറ്റും നിറച്ച കുപ്പികളാണ് കാഞ്ഞങ്ങാട് ബസ്സ്റ്റാന്റ് പരിസരത്ത് വ്യാപകമായി വിറ്റഴിച്ചുവരുന്നത്. നല്ല ലഹരി പകരുന്നതാണ് ഈ സാധനം. ഏതാണ്ട് പത്ത് വര്‍ഷത്തിലധികമായി ഉലഹന്നാന്‍ സ്പിരിറ്റിന്റെ വില്‍പ്പന കാഞ്ഞങ്ങാട്ട് തകൃതിയായി നടന്നുവരികയാണ്. സമൂഹത്തിലെ ഉന്നതന്മാരില്‍ പലരും ഈ സ്പിരിറ്റിന്റെ രുചി പലപ്പോഴായും അനുഭവിച്ചറിഞ്ഞിട്ടുണ്ട്. മംഗലാപുരത്ത് നിന്ന് അതിരഹസ്യമായി സ്പിരിറ്റ് എത്തിച്ചാണ് ഹോമിയോമരുന്ന് കുപ്പികളില്‍ നിറച്ചും ചാരായമാക്കിയും വിറ്റഴിച്ചുവരുന്നത്.
അതിനിടെ കാഞ്ഞങ്ങാട്ടെ ഒരു ആയുര്‍വ്വേദ-ഹോമിയോ മരുന്ന് വില്‍പ്പന കേന്ദ്രത്തില്‍ നിന്ന് മദ്യത്തെ വെല്ലുന്ന ലഹരി പ്രധാനം ചെയ്യുന്ന ഹോമിയോ മരുന്ന് വന്‍തോതില്‍ വിറ്റഴിച്ചുവരുന്ന വിവരവും പുറത്തുവന്നിട്ടുണ്ട്. സാധാരണ മദ്യത്തില്‍ 45 ശതമാനത്തിന് താഴെയാണ് ആല്‍ക്കഹോളിന്റെ കണക്ക്. ബിയറിലുള്ള ആല്‍ക്കഹോളിന്റെ അംശം 6 ശതമാനത്തില്‍ താഴെയാണ്. എന്നാല്‍ രഹസ്യമായി വിറ്റഴിക്കുന്ന ഈ ഹോമിയോ മരുന്നില്‍ 97 ശതമാനമാണ് ആല്‍ക്കഹോളിന്റെ തോത്. മദ്യശാലയില്‍ കയറി 60 മില്ലി മദ്യം കഴിച്ചാല്‍ ഈ ഹോമിയോ മരുന്ന് 30 മില്ലി കഴിച്ചാല്‍ നല്ലരീതിയില്‍ തലക്ക് മത്ത് പിടിക്കും. അതുകൊണ്ട് തന്നെ ഈ ഹോമിയോ മരുന്ന് വിപണിയില്‍ സുലഭമായി വിറ്റഴിച്ച് സമ്പന്നന്മാരായ പലരും കാഞ്ഞങ്ങാട്ട് ഇപ്പോഴുണ്ട്.
'കാഞ്ഞങ്ങാട്ട് ഹോമിയോ മരുന്ന് കഴിച്ചാല്‍ തലയ്ക്ക് പിടിക്കും'
'കാഞ്ഞങ്ങാട്ട് ഹോമിയോ മരുന്ന് കഴിച്ചാല്‍ തലയ്ക്ക് പിടിക്കും'
Keywords: Liquor, Sale, Busstand, Kanhangad, Kasaragod, police-enquiry
Tags
Share this story
