പ്രതിരോധ മന്ത്രി എ.കെ ആന്റണി ജില്ലയില്‍

കാസര്‍കോട്: (www.kasaragodvartha.com) കേന്ദ്ര പ്രതിരോധവകുപ്പുമന്ത്രി എ.കെ ആന്റണി ജില്ലയില്‍. യുഡിഎഫ് സ്ഥാനാര്‍ത്ഥി ടി.സിദ്ദിഖിന്റെ പ്രചരണാര്‍ത്ഥം ജില്ലയിലെത്തുന്ന അദ്ദേഹം രാവിലെ 10മണിക്ക് കാസര്‍കോട് പുതിയബസ്റ്റാന്റ് പരിസരത്തും, 11.30ന് കാഞ്ഞങ്ങാട് പുതിയകോട്ടയിലും പൊതുയോഗങ്ങളില്‍ സംസാരിക്കും. തുടര്‍ന്ന് പയ്യന്നൂരില്‍ നടക്കുന്ന പരിപാടിക്കായി തിരിക്കും.


വൈകുന്നേരം 3 മണിക്ക് പെര്‍ലയില്‍ നടക്കുന്ന പൊതുയോഗത്തില്‍ കര്‍ണ്ണാടക ആരോഗ്യ മന്ത്രി യു.ടി ഖാദര്‍ സംസാരിക്കും. കോണ്‍ഗ്രസ്സ് നേതാവ് രാജ്‌മോഹന്‍ ഉണ്ണിത്താന്‍ രാവിലെ 10മണിക്ക് കാസര്‍കോട്, 2മണിക്ക് നെല്ലിക്കട്ട, 5മണിക്ക് കാലിക്കടവ് എന്നിവിടങ്ങളില്‍ പൊതുയോഗത്തില്‍ സംസാരിക്കും.