ജില്ലാ സെക്രട്ടറിയേറ്റ് രൂപീകരണത്തില്‍ അട്ടിമറി നടന്നെന്ന് നേതാക്കള്‍
Feb 20, 2012, 16:09 IST
ജില്ലാ സെക്രട്ടറി കെ.പി.സതീഷ് ചന്ദ്രന് പുറമെ സംസ്ഥാന കമ്മിറ്റി അംഗം എ.കെ.നാരായണന്‍, അഡ്വ.സി.എച്ച്.കുഞ്ഞമ്പു, കെ.ബാലകൃഷ്ണന്‍. എം.വി.കോമന്‍ നമ്പ്യാര്‍, പി.രാഘവന്‍, എം.രാജഗോപാലന്‍, പി.ജനാര്‍ദ്ദനന്‍, എം.വി.ബാലകൃഷ്ണന്‍ മാസ്റ്റര്‍ എന്നിവരടങ്ങുന്ന 9 അംഗ സെക്രട്ടറിയേറ്റാണ് പുതിയതായി നിലവില്‍വന്നത്.
ജില്ലാ കമ്മിറ്റി അംഗങ്ങളായ മുന്‍ എംഎല്‍എയായ കെ.വി.കുഞ്ഞിരാമന്‍, കെ.എസ്‌കെടിയു നേതാവ് വി.കെ.രാജന്‍ എന്നിവരില്‍ ഒരാളെയെങ്കിലും പുതിയ സെക്രട്ടറിയേറ്റില്‍ ഉല്‍പ്പെടുത്തണമെന്ന നിര്‍ദ്ദേശം പാര്‍ട്ടിയിലെ ചില കോണുകളില്‍ നിന്ന് ഉയര്‍ന്നുവന്നതോടെ ഇത് അട്ടിമറിക്കാനുള്ള ശ്രമം തുടങ്ങുകയായയിരുന്നു. സംസ്ഥാനകമ്മിറ്റിയംഗങ്ങള്‍ ഏതാണ്ട് എല്ലാ ജില്ലകളിലും സെക്രട്ടറിയേറ്റില്‍ നിന്ന് ഇത്തവണ ഒഴിവായിരുന്നു. കാസര്‍കോട്ടും അതുണ്ടാവുമെന്നാണ് നേതൃത്വം കരുതിയത്.
എന്നാല്‍ മറ്റ് ജില്ലകളില്‍ സ്വീകരിച്ച മാതൃക കാസര്‍കോട്ടെ നേതൃത്വം പിന്തുടര്‍ന്നില്ല. സിപിഎം സംസ്ഥാന കമ്മിറ്റിയംഗം എ.കെ.നാരായണനെ സെക്രട്ടറിയേറ്റില്‍ നിലനിര്‍ത്താനായിരുന്നു ജില്ലാ നേതൃത്വത്തില്‍ ഒരു വിഭാഗത്തിന്റെ നീക്കം. ഇതെതുടര്‍ന്നാണ് വി.കെ.രാജനോ, കെ.വി.കുഞ്ഞിരാമനോ ഉള്ള അവസരം നഷ്ടപ്പെട്ടത്. പുതുമുഖങ്ങള്‍ക്ക് നേതൃ നിരയില്‍ കൂടുതല്‍ അവസരം നല്‍കാതെ നേതൃനിരയില്‍ പഴമക്കാര്‍ തന്നെ ചടഞ്ഞിരിക്കുകയാണെന്നാണ് യുവപ്രവര്‍ത്തകരുടെ ആക്ഷേപം.
Keywords: CPM, Kanhangad, Kasaragod
Tags
Share this story
