city-gold-ad-for-blogger
Aster MIMS 10/10/2023

ബസ് ബൈക്കിലിടിച്ച് യുവാവിന് ഗുരുതരം

ബസ് ബൈക്കിലിടിച്ച് യുവാവിന് ഗുരുതരം
File Photo 
കാഞ്ഞങ്ങാട്: കെ.എസ്.ആര്‍.ടി.സി ബസ് ബൈക്കിലിടിച്ച് യുവാവിന് ഗുരുതരമായി പരിക്കേറ്റു. പരപ്പയിലെ ജെസ്റ്റിന്‍ ജോര്‍ജി (24) നാണ് പരിക്കേറ്റത്. വ്യാഴാഴ്ച വൈകുന്നേരം പുതിയകണ്ടത്തെ വന്ദേമാതരം ബസ്‌സ്റ്റോപ്പിന് സമീപത്താണ് അപകടമുണ്ടായത്. ജെസ്റ്റിന്‍ ജോര്‍ജ്ജ് സഞ്ചരിച്ച ബൈക്കില്‍ കെ.എല്‍ 15-8491 നമ്പര്‍ കെ.എസ്.ആര്‍.ടി.സി ബസ് ഇടിക്കുകയായിരുന്നു.

ജെസ്റ്റിനെ ഉടന്‍ തന്നെ മാവുങ്കാലിലെ ആശുപത്രിയില്‍ പ്രവേശിപ്പിച്ചുവെങ്കിലും നില ഗുരുതരമായതിനാല്‍ മംഗലാപുരം ആശുപത്രിയിലേക്ക് മാറ്റി. സംഭവവുമായി ബന്ധപ്പെട്ട് ഹൊസ്ദുര്‍ഗ് പോലീസ് കേസെടുത്ത് അന്വേഷണം തുടങ്ങി. അപകടം വരുത്തിയ കെ.എസ്.ആര്‍.ടി.സി ബസ് പോലീസ് കസ്റ്റഡിയിലെടുത്തു.

റോഡ് അറ്റകുറ്റപ്പണി നടത്തി നന്നാക്കിയ ശേഷം ഈ ഭാഗത്തുകൂടി സ്വകാര്യ ബസുകളും കെ.എസ്.ആര്‍.ടി.സി ബസുകളും ഉള്‍പ്പെടെയുള്ള വാഹനങ്ങള്‍ അമിത വേഗതയിലാണ് ഓടിച്ചുപോകുന്നതെന്ന് നാട്ടുകാര്‍ ആരോപിച്ചു. ഇതു കാരണം വാഹനാപകടങ്ങള്‍ പെരുകുകയാണ്. വാഹനങ്ങളുടെ അമിത വേഗത തടയാന്‍ അധികൃതര്‍ നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു. ബസുകള്‍ തമ്മിലുള്ള മത്സരയോട്ടങ്ങളും ഇവിടെ അപകടങ്ങള്‍ക്ക് ആക്കം കൂട്ടുന്നുണ്ട്. ഇത് മൂലമുള്ള അപകടങ്ങളും വര്‍ധിക്കുകയാണ്.

Keywords: Bus, Hit, Bike, Youth, Injured, Mavungal, Puthiyakandam, Kanhangad, Kasaragod, Kerala, Malayalam news

Tags

Share this story

google news
Aster mims 04/11/2022

DONATE
Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL