ട്യൂഷന്‍ സെന്ററിലെ പീഢനം: അഷ്കറിന്റെ ജാമ്യാപേക്ഷ സെപ്തംബര്‍ 4ന് പരിഗണിക്കും
Aug 30, 2012, 16:45 IST
അഷ്കറിന്റെ (24) ജാമ്യാപേക്ഷ പരിഗണിക്കുന്നത് ഹൈകോടതി സെപ്തംബര്‍ നാലിലേക്ക് മാറ്റി.
ഈ കേസിന്റെ ഫയല്‍ സമര്‍പ്പിക്കാന്‍ ഹൈകോടതി കഴിഞ്ഞ ദിവസം പോലീസിന് നിര്‍ദ്ദേശം നല്‍കിയിരുന്നു. അഷ്കറിന് ജാമ്യം അനുവദിക്കരുതെന്ന് പോലീസ് കോടതിയെ ബോധിപ്പിച്ചു. ജാമ്യാപേക്ഷ ഹരജിയില്‍ പ്രാഥമിക വാദം കേട്ട ഹൈകോടതി കേസ് സെപ്തംബര്‍ നാലിലേക്ക് മാറ്റിവെക്കുകയായിരുന്നു.
ട്യൂഷന്‍ സെന്ററില്‍ പീഢനത്തിനിരയായ പെണ്‍കുട്ടികള്‍ പലരും ഇപ്പോഴും പരാതി നല്‍കാന്‍ മടിക്കുകയാണ്. ഒരു പെണ്‍കുട്ടി മാത്രമാണ് പോലീസിന് മൊഴി നല്‍കിയത്. ഈ പെണ്‍കുട്ടിയെ ജില്ലാ ആശുപത്രിയില്‍ വൈദ്യപരിശോധനക്ക് വിധേയമാക്കിയിരുന്നു.
അഷ്കര്‍ തന്റെ കുറ്റസമ്മത മൊഴിയില്‍ പീഢനത്തിനിരയായ അഞ്ച് പെണ്‍ കുട്ടികളുടെ പേര് വെളിപ്പെടുത്തിയിരുന്നെങ്കിലും അവരാരും പോലീസിലെത്തി മൊഴി നല്‍കാന്‍ തയ്യാറായിട്ടില്ല.
കേസന്വേഷണം സജീവമാക്കാന്‍ ഹൊസ്ദുര്‍ഗ് സിഐ കെ വി വേണുഗോപാലിന്റെ നേതൃത്വത്തിലുള്ള കേസന്വേഷണസംഘം തീരുമാനിച്ചിട്ടുണ്ട്. പോലീസ് പ്രമാദമായ കള്ളനോട്ട് കേസിന്റെ തിരക്കിലായതിനാല്‍ ലൈംഗിക പീഢനക്കേസിന്റെ കേസന്വേഷണം അനിശ്ചിതത്വത്തിലായിരുന്നു.
Keywords: Mohammed Azhar, Tution centre, Molestation, Students, Case, Bail, Cout, Kanhangad, Kasaragod
Tags
Share this story
