പാര്‍കിംഗ്‌ നമ്പര്‍ ആവശ്യപ്പെട്ട് ഓട്ടോ ഡ്രൈവര്‍മാര്‍ മനുഷ്യാവകാശ കമ്മീഷനെ കണ്ടു
Sep 12, 2012, 20:23 IST
നഗരസഭ പരിധിയിലല്ലാത്ത പലരും നഗരസഭ പരിധിക്കകത്ത് ഓട്ടോ ഓടിക്കുന്നതിന് പാര്‍കിംഗ്‌ നമ്പര്‍ തരപ്പെടുത്തിയെങ്കിലും അര്‍ഹരായ നഗരസഭ പരിധിയിലെ നൂറുകണക്കിനാളുകള്‍ ഓട്ടോ പാര്‍കിംഗ്‌ നമ്പര്‍ കിട്ടാതെ വലയുകയാണ്. നഗരപരിധിയിലുള്ള ഓട്ടോഡ്രൈവര്‍മാര്‍ക്ക് പാര്‍കിംഗ്‌ നമ്പര്‍ കാര്യത്തില്‍ മുന്‍ഗണന ലഭിക്കണമെന്ന ആവശ്യവുമായാണ് ഓട്ടോഡ്രൈവര്‍മാര്‍ മനുഷ്യാവകാശ കമ്മീഷനില്‍ പരാതി ബോധിപ്പിച്ചത്.
പഴയ ഓട്ടോറിക്ഷകളുടെ പാര്‍കിംഗ്‌ നമ്പറുകള്‍ പണം കൊടുത്ത് തരപ്പെടുത്തുന്ന ഓട്ടോഡ്രൈവര്‍മാരും നഗരത്തിലുണ്ട്. ഇങ്ങനെ വന്‍തുക മുടക്കി പാര്‍കിംഗ്‌ നമ്പറുകള്‍ വാങ്ങാന്‍ നിര്‍ധനരായ ഓട്ടോഡ്രൈവര്‍മാര്‍ക്ക് സാധിക്കുകയില്ല. പാര്‍കിംഗ്‌ നമ്പറുകള്‍ ഇല്ലാത്തതുമൂലം നഗരസഭാ പരിധിയിലെ ഓട്ടോഡ്രൈവര്‍മാര്‍ അനുഭവിക്കുന്ന വിഷമതകള്‍ ഏറെയാണ്. പാര്‍കിംഗ്‌ നമ്പറില്ലാത്തതിനാല്‍ സ്റ്റാന്‍ഡുകളില്‍ വണ്ടി നിര്‍ത്തിയിടാന്‍ സാധിക്കുന്നില്ല. ഇത്തരം പ്രശ്‌നങ്ങള്‍ ചൂണ്ടിക്കാട്ടി ആര്‍ടിഒക്ക് പരാതി നല്‍കിയെങ്കിലും അതൊന്നും മുഖവിലക്കെടുക്കാതെ വന്നപ്പോഴാണ് ഡ്രൈവര്‍മാര്‍ നീതി തേടി മനുഷാവകാശ കമ്മീഷന് മുമ്പാകെ എത്തിയത്.
Keywords: Prking number, Auto drivers, Visit, Human resource commission, Kanhangad, Kasaragod
Tags
Share this story
