ജമാഅത്തെ ഇസ്ലാമി മുന് ജില്ലാ പ്രസിഡന്റ് അബൂബക്കര് നദ്വി നിര്യാതനായി
Dec 3, 2012, 19:53 IST
കാഞ്ഞങ്ങാട്: ജമാഅത്തെ ഇസ്ലാമി മുന് ജില്ലാ പ്രസിഡന്റ് പള്ളിക്കര കല്ലിങ്കാലിലെ പി.കെ. അബൂബക്കര് നദ്വി (75) അന്തരിച്ചു. തിങ്കളാഴ്ച രാവിലെ 8.30 മണിയോടെ കാഞ്ഞങ്ങാട് മന്സൂര് ആശുപത്രിയില്വെച്ചാണ് അന്ത്യം. പ്രബോധനം വാരികയുടെ സബ് എഡിറ്ററായിരുന്നു. ഗ്രന്ഥകര്ത്താവും പ്രഭാഷകനുമായിരുന്ന നദ്വി ജില്ലയില് മതേതരത്വ പരിപാടികളിലെല്ലാം സജീവ സാന്നിദ്ധ്യമായിരുന്നു.
ആലിയ അറബിക്ക് കോളജില് നിന്നും പഠനം പൂര്ത്തിയാക്കിയ ശേഷം ലക്നൗ നദ്വത്തുല് ഉലൂമില് നിന്നും നദ്വിബിരുദം നേടുകയായിരുന്നു. ഭാര്യ: ആഇഷാബി. മക്കള്: നസീം അഹ്മദ്, ഹനീഫ, ഡോ. നജീബ്, ഷെമീബ, ഷാജഹാന്, അന്സാര്, സാഹിന, നസീന, നവാസ്, ശക്കീബ്.
മരുമക്കള്: താഹിറ, ഡോ. മഹ്മൂദ്, സല്മ, മുനീര്, ഫാഇസ, ശമീല, മെഹൂബ്, ഹാരിസ്, ഹംന, ഫാസില. സഹോദരങ്ങള്: മുഹമ്മദ് കുഞ്ഞി, അബ്ദുല്ല, ഇബ്രാഹിം, ഫസലുള്ള, ഹംസ, ഖദീജ, കുഞ്ഞായിസ. ഖബറടക്കം: തിങ്കളാഴ്ച വൈകിട്ട് ആറ് മണിയോടെ കല്ലിങ്കാല് ജുമാ മസ്ജിദ് ഖബര്സ്ഥാനില്.
Keywords: Jamaathe-Islami, Aboobacker Nadvi, Pallikara, Kanhangad, Wife, Kasaragod, Kerala, Aboobacker Nadvi
