മൊബൈലില്‍ സിനിമ കാണിച്ച് ഏഴുവയസുകാരിയെ പീഡിപ്പിച്ചു

കാഞ്ഞങ്ങാട്: മൊബൈല്‍ ഫോണില്‍ സിനിമ കാണിച്ച് ഏഴ് വയസുകാരിയെ ലൈംഗികമായി പീഡിപ്പിച്ചു. സംഭവവുമായി ബന്ധപ്പെട്ട് അയല്‍വാസിയായ യുവാവിനെതിരെ ഹൊസ്ദുര്‍ഗ് പോലീസ് കേസെടുത്തു.

മടിക്കൈ ഏച്ചിക്കാനം ചുള്ളിമൂലയിലെ ശ്രീനാഥിനെതിരെയാണ് കേസ്. 2013 ജനുവരി 16 നാണ് കേസിനാസ്പദമായ സംഭവം. അയല്‍പക്കത്തെ ഏഴ് വയസുകാരിയായ പെണ്‍കുട്ടിയെ ശ്രീനാഥ് തന്റെ വീട്ടിലേക്ക് കൂട്ടിക്കൊണ്ടുപോകുകയും മൊബൈലില്‍ സിനിമ കാണിച്ച് ലൈംഗികമായി പീഡിപ്പിക്കുകയുമായിരുന്നു. വീട്ടിലെത്തിയ പെണ്‍കുട്ടി അസ്വസ്ഥത പ്രകടിപ്പിച്ചതിനെത്തുടര്‍ന്ന് ജില്ലാശുപത്രിയില്‍ ചികിത്സയ്ക്ക് കൊണ്ടുപോകുകയും പരിശോധന നടത്തുകയും ചെയ്തതോടെയാണ് പെണ്‍കുട്ടി ലൈംഗിക പീഡനത്തിന് ഇരയായതായി വ്യക്തമായത്.

പെണ്‍കുട്ടിയുടെ ഭാവിയോര്‍ത്ത് ശ്രീനാഥിനെതിരെ പരാതി നല്‍കേണ്ടെന്ന് ആദ്യം വീട്ടുകാര്‍ തീരുമാനിച്ചിരുന്നു. എന്നാല്‍ പീഡനം പെണ്‍കുട്ടിയെ മാനസികമായി തളര്‍ത്തിയതോടെ മാതാവ് ഹൊസ്ദുര്‍ഗ് പോലീസില്‍ പരാതി നല്‍കുകയായിരുന്നു. പോലീസ് അനേ്വഷണം ആരംഭിച്ചതോടെ യുവാവ് ഒളിവില്‍ പോയി. പ്രതിയെ കണ്ടെത്തുന്നതിന് വേണ്ടി പോലീസ് അനേ്വഷണം ഊര്‍ജിതമാക്കിയിട്ടുണ്ട്. ഇതിനിടെ ശ്രീനാഥ് മു ന്‍കൂര്‍ ജാമ്യത്തിന് ശ്രമം തുടങ്ങിയതായും സൂചനയുണ്ട്.