പത്രവായനക്കിടെ സി.പി.എം. നേതാവ് കുഴഞ്ഞുവീണ് മരിച്ചു

കാഞ്ഞങ്ങാട്: പത്രവായനക്കിടെ സി.പി.എം. നേതാവ് കുഴഞ്ഞു വീഴു മരിച്ചു. കിനാനൂര്‍- കരിന്തളം ഗ്രാമ പഞ്ചായത്ത് മുന്‍ വൈസ് പ്രസിഡന്റും സി. പി. എം. പരപ്പ മുന്‍ ലോക്കല്‍ സെക്രട്ടറിയുമായ പെരിയങ്ങാനത്തെ വി. കുഞ്ഞിരാമന്‍(65) ആണ് മരിച്ചത്.

പ്രഭാത സവാരി കഴിഞ്ഞെത്തിയ കുഞ്ഞിരാമന്‍ ബുധനാഴ്ച രാവിലെ പത്രം വായിക്കുന്നതിനിടെ കുഴഞ്ഞുവീഴുകയായിരുന്നു. ഡി. വൈ. എഫ്. ഐ. മുന്‍ ബ്‌ളോക്ക് പ്രസിഡന്റ്, സി. പി. എം. ഏരിയാ വളണ്ടിയര്‍ കമ്മിറ്റിയംഗം, കിനാനൂര്‍- കരിന്തളം സര്‍വ്വീസ് സഹകരണ ബാങ്ക് വൈസ് പ്രസിഡന്റ് എന്നീ സ്ഥാനങ്ങള്‍ വഹിച്ചിരുന്നു.

ഭാര്യ: കെ. സാവിത്രി. മക്കള്‍: ബീന, റീന, ഗിരീഷ്. മരുമക്കള്‍: വി.കെ. നാരായണന്‍, രജനി, കെ. രവീന്ദ്രന്‍. സഹോദരങ്ങള്‍: കുഞ്ഞമ്പു നായര്‍, സുരേശന്‍, പരേതനായ കൃഷ്ണന്‍ നായര്‍.