26 കുട്ടികളുടെ മരണത്തിന് പിന്നാലെ ഇന്ത്യൻ ചുമ മരുന്നിനെതിരെ ലോകാരോഗ്യ സംഘടന

ന്യൂഡൽഹി: (KasargodVartha) രാജ്യത്തെ വിവിധ സംസ്ഥാനങ്ങളിൽ ചുമ മരുന്ന് കഴിച്ച് 26 കുട്ടികൾ മരിച്ച സംഭവത്തിന് പിന്നാലെ, ഇന്ത്യയിൽ നിരോധിച്ച ചുമ മരുന്നുകൾക്കെതിരെ ലോകാരോഗ്യ സംഘടന ലോകരാജ്യങ്ങൾക്ക് ജാഗ്രതാ നിർദ്ദേശം പുറത്തിറക്കി.

കാഞ്ചീപുരത്തെ സർക്കാർ പൂട്ടിച്ച ശ്രീശൻ ഫാർമസ്യൂട്ടിക്കൽസിന്റെ 'കോൾഡ്രിഫ്', റെഡ്നെക്സ് ഫാർമ ഡ്യൂട്ടികൽസിന്റെ 'റെസ്പി ഫ്രഷ് ടി ആർ', ഷേപ് ഫാർമയുടെ 'റീലൈ ഫ്' എന്നീ മരുന്നുകൾക്കെതിരെയാണ് ജാഗ്രതാ നിർദ്ദേശം നൽകിയിരിക്കുന്നത്. 

ഇവയുടെ ഉപയോഗം ഗുരുതരമായ പാർശ്വഫലങ്ങൾ ഉണ്ടാക്കിയേക്കുമെന്നും ജീവഹാനിക്ക് വരെ കാരണമാകുമെന്നും ലോകാരോഗ്യ സംഘടന മുന്നറിയിപ്പ് നൽകുന്നുണ്ട്. ഈ മരുന്നുകളുടെ വിൽപ്പനയോ ഉപയോഗമോ ശ്രദ്ധയിൽപ്പെട്ടാൽ അതാത് രാജ്യങ്ങളിലെ ദേശീയ നിയന്ത്രണ അധികാരികളെയോ നാഷണൽ ഫാർമക്കോ വിജിലൻസ് സെന്ററിലോ റിപ്പോർട്ട് ചെയ്യണമെന്നും നിർദ്ദേശിച്ചിട്ടുണ്ട്.

വൃത്തിഹീനമായ സാഹചര്യത്തിൽ പ്രവർത്തിച്ചിരുന്ന കാഞ്ചീപുരത്തെ മരുന്ന് നിർമ്മാണ യൂണിറ്റിൽ അടിസ്ഥാന സൗകര്യങ്ങളോ യോഗ്യതയുള്ള ജീവനക്കാരോ ഉണ്ടായിരുന്നില്ലെന്ന് പരിശോധനയിൽ കണ്ടെത്തിയിരുന്നു.

ഇന്ത്യയിൽ ഈ കമ്പനികളുടെ മരുന്നുകൾ നിരോധിച്ചതിനുശേഷം കയറ്റുമതി ചെയ്തിട്ടുണ്ടോ എന്ന് ലോകാരോഗ്യ സംഘടന നേരത്തെ ഇന്ത്യൻ അധികൃതരോട് ആരാഞ്ഞിരുന്നു. 

നിരോധിച്ച കഫ് സിറപ്പുകളിൽ അനുവദനീയമായതിലും കൂടുതൽ 'ഡൈഎത്തിലിൻ ഗ്ലൈക്കോൾ' അടങ്ങിയിട്ടുണ്ടെന്ന് കണ്ടെത്തിയതായി കേന്ദ്രം ഇതിന് മറുപടിയും നൽകിയിരുന്നു.

കുട്ടികളുടെ ജീവന് ഭീഷണിയായ ചുമ മരുന്നുകൾക്കെതിരെ ലോകാരോഗ്യ സംഘടനയുടെ മുന്നറിയിപ്പ്: ഈ പ്രധാനപ്പെട്ട വാർത്ത എല്ലാവരിലേക്കും ഷെയർ ചെയ്യുക.

Article Summary: WHO issues a global alert against 3 banned Indian cough syrups containing Diethylene Glycol after 26 child deaths.

#WHOAlert #CoughSyrupDanger #DiethyleneGlycol #BannedDrugs #IndiaHealth #ChildSafety