Ayushman Bharat | ആയുഷ്മാൻ ഭാരത് കാർഡ് നഷ്ടപ്പെട്ടാൽ എന്തുചെയ്യണം? 5 ലക്ഷം രൂപ വരെയുള്ള സൗജന്യ ചികിത്സ മുടങ്ങില്ല! വഴി അറിയാം

 ന്യൂഡൽഹി: (KasargodVartha) ആയുഷ്മാൻ ഭാരത് പദ്ധതിയിൽ (ആയുഷ്മാൻ ഭാരത് യോജന) ഉൾപ്പെടുന്ന ഗുണഭോക്താക്കൾക്ക് നൽകുന്ന തിരിച്ചറിയൽ കാർഡാണ് ആയുഷ്മാൻ കാർഡ്. ഈ പദ്ധതിയിൽ സർക്കാർ അല്ലെങ്കിൽ ലിസ്റ്റുചെയ്ത സ്വകാര്യ ആശുപത്രികളിൽ നിന്ന് അഞ്ച് ലക്ഷം രൂപ വരെയുള്ള സൗജന്യ ചികിത്സ ലഭിക്കും. ഇപ്പോൾ 70 വയസും അതിൽ കൂടുതലുമുള്ള എല്ലാ മുതിർന്ന പൗരന്മാർക്കും അവരുടെ വരുമാനം പരിഗണിക്കാതെ തന്നെ പ്രയോജനം കിട്ടും. പക്ഷേ ആയുഷ്മാൻ കാർഡ് എവിടെയെങ്കിലും നഷ്ടപ്പെട്ടാൽ എന്തുചെയ്യണം?

ആയുഷ്മാൻ കാർഡ് ഓൺലൈനിൽ ഡൗൺലോഡ് ചെയ്യാം 

● നാഷണൽ ഹെൽത്ത് അതോറിറ്റി (NHA) പോർട്ടൽ https://beneficiary(dot)nha(dot)gov(dot)in സന്ദർശിക്കുക
● ഹോംപേജിൽ വലതുവശത്തുള്ള ‘ബെനിഫിഷ്യറി’ ഓപ്ഷനിൽ ക്ലിക്ക് ചെയ്യുക.
● ആധാറുമായി രജിസ്റ്റർ ചെയ്ത മൊബൈൽ നമ്പർ നൽകി ഒ ടി പി വഴി വെരിഫൈ ചെയ്യുക.
● പുതിയ പേജിൽ സംസ്ഥാനം, ജില്ല, സ്കീം (PMJAY) എന്നിവ തിരഞ്ഞെടുക്കുക.
● ആധാർ നമ്പർ, പേര്, ലൊക്കേഷൻ (ഗ്രാമീണ/നഗരം), ആയുഷ്മാൻ ഐഡി എന്നിവ നൽകി ‘Search’ ബട്ടൺ ക്ലിക്കുചെയ്യുക.
● തുടർന്ന് ആധാർ അല്ലെങ്കിൽ ആയുഷ്മാൻ ഐഡിയുമായി ബന്ധപ്പെട്ട എല്ലാ ആയുഷ്മാൻ കാർഡുകൾ കാണാം. ഡൗൺലോഡ് ചെയ്യേണ്ട കാർഡിനു മുന്നിലുള്ള ‘ഡൗൺലോഡ് കാർഡ്’ ബട്ടണിൽ ക്ലിക്കുചെയ്യുക.
●രജിസ്റ്റർ ചെയ്ത മൊബൈൽ നമ്പറിലേക്ക് ലഭിക്കുന്ന ഒ ടി പി ഉപയോഗിച്ച് വീണ്ടും വെരിഫൈ ചെയ്യുക.
● തിരഞ്ഞെടുത്ത ആയുഷ്മാൻ കാർഡ് പിഡിഎഫ് ഫോർമാറ്റിൽ ഡൗൺലോഡ് ചെയ്യപ്പെടും. ഇത് പ്രിന്റ് ചെയ്ത് സൂക്ഷിക്കുക. 

  
ആയുഷ്മാൻ കാർഡ് നഷ്ടപ്പെട്ടാൽ വിഷമിക്കേണ്ട. ആശുപത്രിയിൽ  ആയുഷ്മാൻ കാർഡ് ലിങ്കുചെയ്‌ത രജിസ്റ്റർ ചെയ്‌ത മൊബൈൽ നമ്പർ നൽകി ചികിത്സ നേടാൻ കഴിയും. ഇതിനായി ആശുപത്രിയിലെ ആയുഷ്മാൻ മിത്രയുമായി ബന്ധപ്പെടാം.

ആയുഷ്മാൻ ഭാരത് പദ്ധതി പ്രകാരം ചികിത്സ ലഭിക്കുന്നില്ലെങ്കിൽ എവിടെ പരാതിപ്പെടണം?

ആയുഷ്മാൻ ഭാരത് പദ്ധതിയിൽ ഉൾപ്പെടുത്തിയ ആശുപത്രിയിൽ  സൗജന്യ ചികിത്സ ലഭിക്കുന്നില്ലെങ്കിൽ പരാതിപ്പെടാം. ടോൾ ഫ്രീ നമ്പർ 14555 വിളിക്കുകയോ പോർട്ടലിൽ (https://cgrms(dot)pmjay(dot)gov(dot)in/GRMS/loginnew(dot)htm) പരാതി രജിസ്റ്റർ ചെയ്യുകയോ ചെയ്യാം.

#AyushmanBharat, #FreeTreatment, #HealthSchemes, #AyushmanCard, #IndiaHealthcare, #LostCard