എയിംസിനായി കാസർകോട്ട് നേതാക്കളുടെ 'വടംവലിയോ'; ഉണ്ണിത്താനും സന്ദീപ് വാര്യർക്കും പിന്നാലെ നിലപാട് വ്യക്തമാക്കി യുഡിഎഫ് ഉദുമ മണ്ഡലം കമിറ്റി

ചട്ടഞ്ചാൽ: (KasargodVartha) സംസ്ഥാനത്തേക്ക് പുതിയതായി അനുവദിക്കുന്ന ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) കാസർകോട് ജില്ലയിലെ ഉദുമ നിയോജക മണ്ഡലത്തിൽ സ്ഥാപിക്കണമെന്ന് യുഡിഎഫ് ഉദുമ നിയോജക മണ്ഡലം ലെയ്സൺ കമ്മിറ്റി യോഗം ആവശ്യപ്പെട്ടു.

ആരോഗ്യ മേഖലയിൽ ഏറെ പിന്നോക്കം നിൽക്കുന്ന ജില്ല എന്ന നിലയിൽ കാസർകോടിന് എയിംസ് ലഭിക്കേണ്ടത് അനിവാര്യമാണെന്ന് യോഗം വിലയിരുത്തി. വർഷങ്ങളായി ജില്ലയിലെ ജനങ്ങൾ വിദഗ്ധ ചികിത്സയ്ക്കായി മംഗ്ളൂരിനെയും മറ്റ് അയൽ ജില്ലകളെയും ആശ്രയിക്കേണ്ടി വരുന്ന ദുരവസ്ഥയ്ക്ക് ഇതിലൂടെ ശാശ്വത പരിഹാരം കാണാൻ സാധിക്കുമെന്ന് നേതാക്കൾ പറഞ്ഞു.

ഉദുമയ്ക്ക് പ്രഥമ പരിഗണന നൽകണം

ജില്ലയുടെ ആരോഗ്യ അടിസ്ഥാന സൗകര്യങ്ങൾ വികസിപ്പിക്കുന്നതിൻ്റെ ഭാഗമായി എയിംസ് കാസർകോട് ജില്ലയിൽ തന്നെ സ്ഥാപിക്കണമെന്നും, അതിനായി ഉദുമ നിയോജക മണ്ഡലത്തിന് സർക്കാർ പ്രഥമ പരിഗണന നൽകണമെന്നും യോഗം ആവശ്യപ്പെട്ടു.

മെച്ചപ്പെട്ട ചികിത്സാ സൗകര്യങ്ങളില്ലാതെ ബുദ്ധിമുട്ടുന്ന ജനങ്ങൾക്ക് വലിയൊരാശ്വാസമായിരിക്കും എയിംസ് എന്ന് നേതാക്കൾ ചൂണ്ടിക്കാട്ടി. സർക്കാർ തലത്തിൽ ഇതിനായുള്ള ഇടപെടലുകൾ അടിയന്തരമായി നടത്തണമെന്നും കാലതാമസം ഒഴിവാക്കണമെന്നും യോഗം ആവശ്യപ്പെട്ടു.

യോഗ നടപടികൾ

ചട്ടഞ്ചാൽ അർബൻ ബാങ്ക് ഹോളിൽ വ്യാഴാഴ്ച രാവിലെ നടന്ന യോഗത്തിൽ യുഡിഎഫ് ഉദുമ നിയോജക മണ്ഡലം ചെയർമാൻ വി ആർ വിദ്യാസാഗർ അധ്യക്ഷത വഹിച്ചു. ഉദുമ നിയോജക മണ്ഡലം എംഎൽഎ കെ നീലകണ്ഠൻ ഉദ്ഘാടനം ചെയ്തു.

ജനറൽ കൺവീനർ കെ ബി മുഹമ്മദ് കുഞ്ഞി യോഗത്തിന് സ്വാഗതം ആശംസിച്ചു. കാസർകോടിൻ്റെ വികസനവുമായി ബന്ധപ്പെട്ട സുപ്രധാന വിഷയങ്ങളാണ് യോഗത്തിൽ ചർച്ച ചെയ്തത്. ജില്ലയുടെ പൊതുവായ അടിസ്ഥാന സൗകര്യ വികസനത്തിന് രാഷ്ട്രീയ ഭേദമന്യേ എല്ലാ ജനപ്രതിനിധികളും ഒറ്റക്കെട്ടായി നിൽക്കണമെന്നും യോഗം അഭിപ്രായപ്പെട്ടു.

പങ്കെടുത്ത പ്രമുഖർ

എം കുഞ്ഞമ്പു നമ്പ്യാർ, എ ബി ഷാഫി, കല്ലട്ര അബ്ദുൽ ഖാദർ, സാജിദ് മൗവ്വൽ, ഗീത കൃഷ്ണൻ, കെ ബലരാമൻ നമ്പ്യാർ, അഡ്വ. ബാബുരാജ്, ഹമീദ് മാങ്ങാട്, ഹനീഫ ഹാജി കുന്നിൽ, മുഹമ്മദ് കുഞ്ഞി പെരുമ്പള, കൃഷ്ണൻ ചട്ടഞ്ചാൽ, അബ്ദുൽ ഖാദർ കളനാട്, സി എം മുഹമ്മദ് മുസ്തഫ, കെ യു മാത്യു, മുസ്തഫ പാറപ്പള്ളി, കുഞ്ഞികൃഷ്ണൻ മാടക്കല്ല്, സി പവിത്രൻ നായർ, കെ വി ഗോപാലൻ, എ കെ ശശീധരൻ, ബി എം അബൂബക്കർ, സിദ്ദീഖ് പള്ളിപ്പുഴ, രവീന്ദ്രൻ കരിച്ചേരി, പ്രഭാകരൻ തെക്കേക്കര, കെ ബി എം ശരീഫ് കാപ്പിൽ, റഊഫ് ബാവിക്കര, കെ എൻ രാജേന്ദ്ര പ്രസാദ് തുടങ്ങിയ നിരവധി പേർ സംബന്ധിച്ചു.

എയിംസിനായി ജനപ്രതിനിധികളുടെ നിർദേശങ്ങൾ

ആദ്യഘട്ടത്തിൽ രാജ്‌മോഹൻ ഉണ്ണിത്താൻ എംപി ഉദുമ മണ്ഡലത്തിലെ പെരിയയിലാണ് എയിംസ് സ്ഥാപിക്കേണ്ടതെന്ന് നിർദേശിച്ചിരുന്നു. പിന്നീട് എയിംസ് തൃക്കരിപ്പൂർ മണ്ഡലത്തിലെ ചീമേനിയിൽ വേണമെന്ന് ആവശ്യപ്പെട്ട് എംഎൽഎ സന്ദീപ് വാര്യർ ആരോഗ്യ മന്ത്രി കെ മുരളീധരന് നിവേദനവും നൽകിയിരുന്നു. ഇതിനു പിന്നാലെ രാജ്‌മോഹൻ ഉണ്ണിത്താൻ എംപി എയിംസ് വേണ്ടത് പെരിയയിലാണെന്ന് ആവർത്തിക്കുകയും ചെയ്തു. അതിനിടെ വ്യാഴാഴ്ചയാണ് യുഡിഎഫ് ഉദുമ നിയോജക മണ്ഡലം കമ്മിറ്റി എയിംസ് ഉദുമ മണ്ഡലത്തിൽ സ്ഥാപിക്കണമെന്ന നിർദേശവുമായി മുന്നോട്ട് വന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സ്ആപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിവരങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: UDF Udma committee demands setting up the proposed AIIMS in Kasaragod district.

#AIIMS #Kasaragod #UDF #Udma #KeralaHealth #KasaragodNews #AparnaNews