വിതുര പഞ്ചായത്തിൻ്റെ വിവിധ ഭാഗങ്ങളിൽ കാട്ടുപന്നികളെ കൂട്ടത്തോടെ ചത്ത നിലയിൽ കണ്ടെത്തി; വൈറസ് ബാധയെന്ന് സംശയം

തിരുവനന്തപുരം: (KasargodVartha) വിതുര പഞ്ചായത്തിൻ്റെ വിവിധ ഭാഗങ്ങളിൽ കാട്ടുപന്നികളുടെ ജഡങ്ങൾ കണ്ടെത്തുന്നത് പതിവായിരിക്കുന്ന സാഹചര്യത്തിൽ വൈറസ് ബാധ ഉണ്ടായിട്ടുണ്ടോയെന്ന് സംശയം. ഒരു മാസത്തിനിടെ ഏഴ് പന്നികളെയാണ് വിവിധ ഭാഗങ്ങളിൽ ചത്ത നിലയിൽ കണ്ടെത്തിയത്. ഇതിൽ വിഷബാധയേറ്റ പന്നികൾ ഉണ്ടോയെന്നും സംശയം ഉയർന്നിട്ടുണ്ട്.

പകർച്ചവ്യാധി ഭീഷണി

പല സ്‌ഥലങ്ങളിലും പ്രധാന ജലാശയങ്ങളിലും ചത്ത പന്നികൾ ദിവസങ്ങളോളം അഴുകിക്കിടക്കുന്നത് പകർച്ചവ്യാധികൾക്ക് കാരണമാകുമെന്ന ആശങ്കയുമുണ്ട്. ജഡങ്ങൾ യഥാസമയം മാറ്റാത്തത് കാരണം പ്രദേശത്ത് ഈച്ച ശല്യം വർധിച്ചിട്ടുണ്ട്. ഇത് ജനജീവിതത്തെ ബാധിക്കുന്നുണ്ട്.

അന്വേഷണം വേണമെന്ന് ആവശ്യം

സംഭവത്തിൽ പരാതിയുമായി പ്രദേശവാസികള്‍ മുന്നോട്ടു വന്നിട്ടും അധികൃതരുടെ ഭാഗത്ത് നിന്നും നടപടികൾ ഉണ്ടായിട്ടില്ല. വിഷയത്തിൽ ബന്ധപ്പെട്ടവർ അന്വേഷണം നടത്തി ജനങ്ങളുടെ ആശങ്ക അകറ്റണം എന്നാണ് പ്രധാന ആവശ്യം. ഇതിനായി വനം, തദ്ദേശ, ആരോഗ്യ വകുപ്പുകൾ സംയുക്ത പരിശോധനകൾ നടത്തണമെന്നും പ്രദേശവാസികള്‍ ആവശ്യപ്പെടുന്നു.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: Seven wild boars were found dead in Vithura in a month, raising suspicions of viral infection or poisoning among locals.

#VithuraNews #WildBoarDeath #KeralaForestDepartment #LocalNewsKerala #TrivandrumNews #AnimalHealth #RenuNews