കളനാട് കുടുംബാരോഗ്യ കേന്ദ്രത്തിലെ ജീവനക്കാരുടെ കുറവ് ഉടൻ പരിഹരിക്കും; മന്ത്രി വീണ ജോർജ് ഉറപ്പുനൽകി

കോളിയടുക്കം: (KasargodVartha) ചെമ്മനാട് ഗ്രാമപഞ്ചായത്തിലെ കളനാട് കുടുംബാരോഗ്യ കേന്ദ്രത്തിലെ ജീവനക്കാരുടെ കുറവ് പരിഹരിക്കാനുള്ള നടപടി ഉടൻ സ്വീകരിക്കുമെന്ന് ആരോഗ്യവകുപ്പ് മന്ത്രി വീണ ജോർജ് ഉറപ്പുനൽകി.

പഞ്ചായത്ത് പ്രസിഡന്റ് സുഫൈജ അബൂബക്കർ മന്ത്രിയെ നേരിൽക്കണ്ട് നൽകിയ നിവേദനത്തെ തുടർന്നാണ് ഈ ഉറപ്പ് ലഭിച്ചത്. സൗകര്യമുള്ള കെട്ടിടവും അടിസ്ഥാന സൗകര്യങ്ങളും ഉണ്ടായിട്ടും, ജീവനക്കാരുടെ കുറവ് മൂലം പ്രദേശവാസികൾക്ക് ചികിത്സാ സേവനങ്ങൾ ലഭ്യമാക്കുന്നതിൽ ബുദ്ധിമുട്ടുകൾ നേരിടുന്ന സാഹചര്യം പ്രസിഡന്റ് മന്ത്രിയുടെ ശ്രദ്ധയിൽപ്പെടുത്തിയിരുന്നു.

അതിനെത്തുടർന്ന്, ഒരു ഡോക്ടറെ അധികമായി നിയമിക്കുന്നതിനുള്ള നടപടികൾ സ്വീകരിക്കുമെന്ന് മന്ത്രി വീണ ജോർജ് അറിയിച്ചു. മന്ത്രിയുടെ ഈ തീരുമാനം പഞ്ചായത്ത് പരിധിയിലെ ആയിരക്കണക്കിന് സാധാരണ ജനങ്ങൾക്ക് ആരോഗ്യ സേവനങ്ങൾ കൂടുതൽ എളുപ്പത്തിൽ ലഭ്യമാക്കാൻ സഹായകരമാകുമെന്ന് പഞ്ചായത്ത് പ്രസിഡന്റ് സുഫൈജ അബൂബക്കർ അറിയിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക. സുഹൃത്തുക്കൾക്ക് പങ്കുവെക്കുക 

Article Summary: Minister Veena George assures resolution of staff shortage at Kalanad FHC.

#VeenaGeorge #KalanadFHC #HealthCentre #StaffShortage #KasargodNews #KeralaHealth