city-gold-ad-for-blogger
Aster MIMS 10/10/2023
Aster MIMS 10/10/2023

Jaundice Spread | മൊഗ്രാലിൽ മഞ്ഞപ്പിത്തം വ്യാപകമാകുന്നു; ആശങ്കയിൽ നാട്ടുകാർ

 Jaundice outbreak spreading health concern among
Representational Image Generated by Meta AI

● മഞ്ഞപ്പിത്തത്തിന് പുറമെ, ജില്ലയിൽ മുണ്ടിനീര് വ്യാപിക്കുന്നതും ജനങ്ങൾക്കിടയിൽ ആശങ്കയ്ക്ക് ഇടയാക്കുന്നു.
● പനി, ചുമ, കഫക്കെട്ട് തുടങ്ങിയ രോഗങ്ങൾക്കും നിലവിൽ വ്യാപകമാണ്. 
● കാലാവസ്ഥാ വ്യതിയാനം രോഗവ്യാപനം വർദ്ധിപ്പിക്കുന്നു. 

 

മൊഗ്രാൽ: (KasargodVartha) മഞ്ഞപ്പിത്തം വീണ്ടും വ്യാപകമാകുന്നത് നാട്ടുകാരിൽ ആശങ്ക സൃഷ്ടിക്കുന്നു. മൊഗ്രാൽ നാങ്കി റോഡിന് സമീപം പത്തോളം പേർക്ക് മഞ്ഞപ്പിത്ത ലക്ഷണങ്ങൾ ഉള്ളതായി വിവരമുണ്ട്. ഒരു വീട്ടിലെ അഞ്ച് പേർക്ക് രോഗം സ്ഥിരീകരിച്ചിട്ടുണ്ട്. ഏതാനും മാസങ്ങൾക്ക് മുമ്പ് മീലാദ് നഗറിലും മുഹ്‌യുദ്ദീൻ ജുമാ മസ്ജിദ് പരിസരത്തും സമാനമായ രീതിയിൽ മഞ്ഞപ്പിത്തം റിപ്പോർട്ട് ചെയ്യപ്പെട്ടിരുന്നു.

തുടർച്ചയായി മഞ്ഞപ്പിത്തം റിപ്പോർട്ട് ചെയ്യപ്പെടുന്ന സാഹചര്യത്തിൽ, ആരോഗ്യ പരിശോധനയും പ്രതിരോധ മാർഗങ്ങളെക്കുറിച്ചുള്ള ബോധവൽക്കരണവും അടിയന്തിരമായി നടത്തണമെന്ന് മൊഗ്രാൽ ദേശീയവേദി ആരോഗ്യവകുപ്പ് അധികൃതരോട് ആവശ്യപ്പെട്ടു. കുമ്പള സാമൂഹികാരോഗ്യ കേന്ദ്രത്തിലെ അധികൃതരെ വിവരമറിയിച്ചിട്ടുണ്ട്.

മഞ്ഞപ്പിത്തത്തിന് പുറമെ, ജില്ലയിൽ മുണ്ടിനീര് വ്യാപിക്കുന്നതും ജനങ്ങൾക്കിടയിൽ ആശങ്കയ്ക്ക് ഇടയാക്കുന്നു. പനി, ചുമ, കഫക്കെട്ട് തുടങ്ങിയ രോഗങ്ങൾക്കും നിലവിൽ വ്യാപകമാണ്. കാലാവസ്ഥാ വ്യതിയാനം രോഗവ്യാപനം വർദ്ധിപ്പിക്കുന്നു. സർക്കാർ ആശുപത്രികളിൽ ഡോക്ടർമാരുടെയും ജീവനക്കാരുടെയും കുറവും മരുന്ന് ക്ഷാമവും രോഗികളുടെ ദുരിതം വർദ്ധിപ്പിക്കുന്നു. ചുമയ്ക്കുള്ള മരുന്ന് പോലും പുറത്തുനിന്ന് വാങ്ങേണ്ട സ്ഥിതിയാണുള്ളത്. ഇത് സാധാരണക്കാരെ സാമ്പത്തികമായി ബുദ്ധിമുട്ടിലാക്കുന്നു.

ഈ വാർത്ത പ്രചരിപ്പിച്ച് സമൂഹത്തിന്റെ ആരോഗ്യം മെച്ചപ്പെടുത്താൻ സഹായിക്കുക. ആരോഗ്യത്തെക്കുറിച്ചുള്ള അവബോധം വർധിപ്പിക്കുക. അഭിപ്രായങ്ങൾ ചുവടെ രേഖപ്പെടുത്തുക.

Jaundice is spreading in Mogral, with locals raising concerns. There are reports of several cases in households, and health awareness and preventive measures are urgently needed.
 #JaundiceSpread, #HealthConcern, #Mogral, #DiseaseAwareness, #PreventiveMeasures

Share this story

google news
Aster mims 04/11/2022
Local News
Kasargodvartha android application
UNITED MEDICAL CENTER 01/02/2022
SWISS-TOWER 24/07/2023
wellfitindia