Health Awareness | ആൻറിബയോട്ടിക്ക് ഉപയോഗിക്കുമ്പോൾ ശ്രദ്ധിക്കാനുണ്ട്! കാസർകോട് ജനറൽ ആശുപത്രിയിൽ ബോധവത്‌കരണം

കാസർകോട്: (KasargodVartha) ആൻറിബയോട്ടിക്കുകളുടെ അമിത ഉപയോഗം മൂലമുണ്ടാകുന്ന അണുബാധകളെ ചെറുക്കാനുള്ള പ്രതിരോധശേഷി നഷ്ടപ്പെടുന്ന അവസ്ഥയായ ആൻറിബയോട്ടിക് റെസിസ്റ്റൻസ് എന്ന ഗുരുതര പ്രശ്നത്തെക്കുറിച്ച് ബോധവൽക്കരിക്കുന്ന ലോക ആൻറിബയോട്ടിക് അവബോധ വാരം  കാസർകോട് ജനറൽ ആശുപത്രിയിൽ ആചരിച്ചു. 

ആശുപത്രി സൂപ്രണ്ട് ഡോ. ശ്രീകുമാർ മുകുന്ദ് ഉദ്ഘാടനം ചെയ്ത പരിപാടിയിൽ, ആൻറിബയോട്ടിക്കുകൾ ഡോക്ടറുടെ നിർദേശപ്രകാരം മാത്രം ഉപയോഗിക്കണമെന്നും, അനാവശ്യമായി കഴിക്കുന്നത് ഒഴിവാക്കണമെന്നും ഊന്നിപ്പറഞ്ഞു. ഡെപ്യൂട്ടി സൂപ്രണ്ട് ഡോ. ജമാൽ അഹ്മദ് എ അദ്ധ്യക്ഷത വഹിച്ച ചടങ്ങിൽ, സ്റ്റാഫ് കൗൺസിൽ പ്രസിഡൻ്റ് ഡോ. ഷറീന പി എ വിഷയത്തെക്കുറിച്ച് വിശദമായ ക്ലാസ് എടുത്തു.

രോഗികൾക്ക് ആൻറിബയോട്ടിക്കുകൾ നൽകുന്നതിനായി പ്രത്യേകം തയ്യാറാക്കിയ നീല കവറുകൾ സൂപ്രണ്ട് ഫാർമസിസ്റ്റിന് കൈമാറി. ഫാർമസിസ്റ്റ് വിനോദ് പ്രതിജ്ഞ ചൊല്ലിക്കൊടുത്തു. ഡോ. ജനാർദന നായിക് സി എച്ച് മുഖ്യ പ്രഭാഷണം നടത്തി.

 #AntibioticsAwareness #HealthCampaign #AntibioticResistance #Kasaragod #Healthcare #MedicalAwareness