കാസർകോട്ട് വീണ്ടും അമീബിക് മസ്തിഷ്കജ്വരം: ഗുരുതരാവസ്ഥയിലായ ആറു വയസ്സുകാരനെ കോഴിക്കോട്ടേക്ക് മാറ്റി

കാഞ്ഞങ്ങാട്: (KasargodVartha) കാസർകോട് ജില്ലയിൽ വീണ്ടും അമീബിക് മസ്തിഷ്കജ്വരം റിപ്പോർട്ട് ചെയ്തു. ഗുരുതരാവസ്ഥയിലായ ആറു വയസ്സുകാരനെ പരിയാരം കണ്ണൂർ മെഡിക്കൽ കോളേജിൽ നിന്ന് വിദഗ്ധ ചികിത്സക്കായി കോഴിക്കോട് മെഡിക്കൽ കോളേജിലേക്ക് മാറ്റി.

ഏതാനും ദിവസമായി പനി ബാധിച്ച് ചികിത്സയിലായിരുന്ന കുട്ടിയെ പിന്നീട് പരിയാരത്തെ കണ്ണൂർ മെഡിക്കൽ കോളേജിൽ പ്രവേശിപ്പിക്കുകയായിരുന്നു. ഇവിടെ നടത്തിയ പരിശോധനയിലാണ് രോഗം അമീബിക് മസ്തിഷ്കജ്വരമാണെന്ന് കണ്ടെത്തിയത്. തുടർന്നാണ് കുട്ടിയെ കോഴിക്കോട് മെഡിക്കൽ കോളേജിലേക്ക് മാറ്റിയത്.

ഒരു പുരുഷനും ഇതേ രോഗം ബാധിച്ചിരുന്നു. ഒരു മാസത്തിലേറെയായി കോഴിക്കോട് മെഡിക്കൽ കോളേജിൽ ചികിത്സയിലായിരുന്ന ഇയാൾ അസുഖം ഭേദമായി വീട്ടിലേക്ക് മടങ്ങിയിരുന്നു.

അതേസമയം, കണ്ണൂരിലെ ഒരു മൂന്നര വയസ്സുകാരനെയും അമീബിക് മസ്തിഷ്കജ്വരം ബാധിച്ച് കോഴിക്കോട് മെഡിക്കൽ കോളേജിൽ പ്രവേശിപ്പിച്ചിട്ടുണ്ട്. ഇതോടെ ഇരു ജില്ലകളിലും ആരോഗ്യ വകുപ്പ് ജാഗ്രതാ നിർദേശങ്ങൾ നൽകിയിട്ടുണ്ട്.

അമീബിക് മസ്തിഷ്കജ്വരത്തെക്കുറിച്ചുള്ള ഈ മുന്നറിയിപ്പ് മറ്റുള്ളവരിലേക്ക് എത്തിക്കാൻ ഈ ആരോഗ്യ വാർത്ത നിങ്ങളുടെ സുഹൃത്തുക്കളുമായി പങ്കുവെക്കുക. 

Article Summary: Amoebic Meningoencephalitis reported in Kasaragod and Kannur; 6-year-old shifted to Kozhikode for care.

#AmoebicMeningoencephalitis #Kasaragod #KozhikodeMedicalCollege #HealthAlert #Keralanews #Kannur