വെല്‍ഫയര്‍ സ്‌കീം പ്രവര്‍ത്തനം ശക്തമാക്കും: കാസര്‍കോട് ജില്ലാ കെ.എം.സി.സി

ദുബൈ: സ്‌റ്റേറ്റ് കെ.എം.സി.സി യുടെ ഒരു മാസം നീണ്ടു നില്‍ക്കുന്ന വെല്‍ഫയര്‍ സ്‌കീം ക്യാമ്പെയിന്‍ വിജയിപ്പിക്കാന്‍ ദുബൈ കാസര്‍കോട് ജില്ലാ കെ.എം.സി.സി തീരുമാനിച്ചു. അല്‍ബറാഹ കെ.എം.സി.സി ആസ്ഥാനത്ത് നടന്ന ജില്ലാ കണ്‍വെന്‍ഷനില്‍ ജില്ലയില്‍ നിന്നും 1000 പുതിയ മെമ്പര്‍മാരെ ചേര്‍ക്കാനും തീരുമാനിച്ചു.

ക്യാമ്പയിന്‍ കാലയളവില്‍ ജില്ലയിലെ മുഴുവന്‍ മണ്ഡലങ്ങളിലും കണ്‍വെന്‍ഷന്‍ വിളിച്ചു ചേര്‍ക്കും. മെമ്പര്‍മാരില്‍ നിന്നുള്ള  കുടിശ്ശിക പിരിച്ചെടുക്കുവാൻ കോർഡിനേറ്റര്‍മാരെ തിരഞ്ഞെടുത്തു. കണ്‍വെന്‍ഷനില്‍ ഹ്രസ്വ സന്ദര്‍ശനാര്‍ത്ഥം ദുബൈയില്‍ എത്തിയ ജിദ്ദ കെ.എം.സി.സി ട്രഷറര്‍ അന്‍വര്‍ ചേരങ്കൈക്ക് സ്വീകരണം നല്‍കി.

ജില്ലാ പ്രസിഡണ്ട് ഹംസ തൊട്ടിയുടെ അധ്യക്ഷതയില്‍ ചേര്‍ന്ന കണ്‍വെന്‍ഷന്‍ സ്‌റ്റേറ്റ് ആക്റ്റിംഗ് ജനറല്‍ സെക്രടറി ഹനീഫ ചെര്‍ക്കളം ഉദ്ഘാടനം നിര്‍വഹിച്ചു. സ്‌റ്റേറ്റ് നേതാക്കളായ എന്‍.സി. മുഹമ്മദ്, ഹസൈനാര്‍ തോട്ടുംബാഗം, ഹനീഫ കല്‍മട്ട, ജില്ലാ-മണ്ഡലം നേതാക്കളായ ഖാദര്‍ ബെണ്ടിച്ചാല്‍, മഹമൂദ് ഹാജി പൈവളിക, മുഹമ്മദലി തൃക്കരിപ്പൂര്‍, എം.വി. അഷ്‌റഫ് പടന്ന, സി.എച്ച്. നൂറുദ്ദീന്‍, യൂസുഫ് മുക്കൂട്, മുനീര്‍ ബന്താട്, റഷീദ് ഹാജി കല്ലിങ്കാല്‍, മഹമൂദ് കുളങ്ങര, സലാം കന്യപ്പാടി, അയ്യൂബ് ഉറുമി എന്നിവര്‍ ചര്‍ച്ചയില്‍ പങ്കെടുത്തു സംസാരിച്ചു

ജില്ലാ ആക്റ്റിംഗ് ജനറല്‍ സെക്രട്ടറി അഫ്‌സല്‍ മെട്ടമ്മല്‍ സ്വാഗതവും, ട്രഷറര്‍ മുനീര്‍ ചെര്‍ക്കളം നന്ദിയും പറഞ്ഞു.

ദുബൈ കാസര്‍കോട് ജില്ലാ കെ.എം.സി.സി വെല്‍ഫെയര്‍ സ്‌കീം കണ്‍വെന്‍ഷന്‍ ജിദ്ദ കെ.എം.സി.സി ട്രഷറര്‍ അന്‍വര്‍ ചേരങ്കൈ സംസാരിക്കുന്നു.

Keywords : Kasaragod, KMCC, Dubai, Gulf, Welfare Scheme, Meeting, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.