യുഎഇയില്‍ 1,992 പേര്‍ക്ക് കൂടി കോവിഡ് സ്ഥിരീകരിച്ചു; 7 മരണം

By WebDesk OmegaMar 14, 2021, 17:12 IST

അബൂദബി: (www.kvartha.com 14.03.2021) യുഎഇയില്‍ 1,992 പേര്‍ക്ക് കൂടി കോവിഡ് സ്ഥിരീകരിച്ചു. രാജ്യത്ത് ഏഴ് കോവിഡ് മരണങ്ങള്‍ കൂടി റിപോര്‍ട് ചെയ്തു. അതേസമയം ചികിത്സയിലായിരുന്ന 2169 പേര്‍ കൂടി രോഗമുക്തി നേടി.

രാജ്യത്തെ ഇതുവരെയുള്ള കണക്കകള്‍ പ്രകാരം 4,26,397 പേര്‍ക്ക് ഇതുവരെ രാജ്യത്ത് കോവിഡ് സ്ഥിരീകരിച്ചിട്ടുണ്ട്. ഇവരില്‍ 4,05,647 പേരും ഇതിനോടകം രോഗമുക്തരായി. രാജ്യത്ത് 1,395 പേരാണ് കോവിഡ് ബാധിച്ച് മരണത്തിന് കീഴടങ്ങിയത്. നിലവില്‍ 19,335 പേരാണ് കോവിഡ് ബാധിച്ച് ചികിത്സയില്‍ കഴിയുന്നത്.